نهى عابدين : «سيبت نفسي للاكتئاب كنت بدمرني.. وتحت الوصاية جه على الوجع»

ياسمين حمادة 30 ابريل 2023 | 02:15 صباحاً

علقت الفنانة نهى عابدين على نجاح مسلسل تحت الوصاية في رمضان 2023، موضحة أن السبب الرئيسي لتأثر الناس به هو الستات المظلومين.

نهى عابدين مسلسل تحت الوصاية

قالت نهى عابدين في تصريحات تلفزيونية لها: «في كتير من الستات مظلومين في حقوقهم والمسلسل جه على الوجع، وعرفت إني على الطريق كممثلة لما اشتغلت في ونوس وحلاوة الدنيا».

وتابعت عن مسلسل تحت الوصاية: «كان نفسي أشارك في عمل مهم مع مخرج مهم وشاطر في دور جديد عليّ، وكان نفسي أشتغل مع منى زكي، واستفدت منها إني اتعلمت الالتزام».

نهى عابدين

نهى عابدين ومنى زكي

وقالت عن منى زكي: «ملتزمة جدًا جدًا وبتحترم المخرج مهما كانت نجوميتها مش متسلطة أبدًا زي ما بنسمع عن ناس، ومش مهتمة بشكلها على قد ما مهتمة إزاي تخدم الدور وده دليل على الثقة والإخلاص للمهنة، وإنسانة بسيطة ومعندهاش أي تكلف».

وفيما يخص رأيها في مسلسلات الـ 15 حلقة، علقت قائلة: « المقياس هي استمرار الإيقاع من أول حلقة لآخر حلقة، هناك مسلسلات 30 حلقة وتشد الناس وفي مسلسلات 15 حلقة ومتشدش الناس والعكس».

تصريحات نهى عابدين

وتحدثت عن بداياتها الفنية قائلة: «قبلها عملت أدوار صغيرة وبسيطة، لكن في الأدوار اللي عملتها في المسلسلين ونوس وحلاوة الدنيا إني قدرت أخرج المساحة اللي عندي».

وقالت أيضًا: « أنا شخص حمول لكن جاء عليّ وقت مش قادرة أكمل وفكرت في الاعتزال، فالحياة كلها دوائر متصلة لابد كلها تكمل بعضها، وأنا سيبت نفسي للاكتئاب وخدت وقتي وخبطت في حياتي جامد وحتى فكرت في الاعتزال».

نهى عابدين والطبيب النفسي

واستكملت نهى عابدين حديثها عن اكتئابها: «وصلت للقاع، سيبي نفسك للحزن وأغضبي وازعلي وخدي المرحلة دي كاملة، وتجربة الاكتئاب دي خلتني اتأكد إني مبتطورش وأتحسن غير بالعزلة، وأنا لما قعدت مع نفسي اتأكدت إني بدمرني، فروحت لدكتور نفسي وده طبعًا اللي ساعدني أكمل حياتي».

واختتمت نهى عابدين قائلة: «زي ما بنروح كل فترة نعمل تنضيف أسنان عند دكتور الأسنان، لازم كل فترة عشان نفضل محافظين على نفسنا نروح نعمل صيانة لنفسنا ولروحنا عند دكتور نفسي، لأننا بنمر بأحداث وطاقات وكبوات مختلفة وإلا هنقف ومش هنقدر نكمل».

نهى عابدين