«هزار فرعوني».. مصطفى غريب يعلق على ظهوره مع محمد صلاح لدعم المنتخب

علق الفنان مصطفى غريب على ظهوره مع نجم المنتخب المصري محمد صلاح، في الحملة الدعائية لدعم الفراعنة في بطولة كأس العالم 2026 لصالح إحدى شركات الاتصالات.

ونشر مصطفى غريب مقطع من الإعلان عبر حسابه الرسمي بموقع فيس بوك، معلقًا: «شوية هزار فرعوني مع الملك المصري».

وقال لمحمد صلاح: «عايزين المرة دي (نتفرعن) عليهم يا صلاح، عايز أي فريق قدامنا ينسحب من (خوفو)، وعاوزك والنبي يا صلاح تلم اللعيبة حواليك.. (حابي) عليهم، ولازم نوريهم وش (رمسيس التاني)، عاوزين نقدم كورة أول ما الأجانب يشوفوها يقولوا (What isis)، عاوزين بعد أي ماتش نكسبه ننزل بأغنية (لفي بينا يا موميا)، وعاوزين نكسب ماتشين بس (شوفت طيبة) بالشكل ده».

وقال مصطفى غريب أيضًا في الحملة الدعائية: «أنت برة المنافسة يعني مينفعش حد (يكرنك) بحد، أنا عايزك تركز في التمرينات وتلعب السهل.. (أبوسمبل) منه يعني، حضورنا لازم يبقى قوي، إحنا عاوزين نسيب (أثر)».