والدة إحدى ضحايا جريمة قرية الراهب تكشف مفاجأة صادمة: لقينا ولادنا التلاتة مشنوقين.. فيديو

روت والدة الطفلة مكة، إحدى ضحايا واقعة قرية الراهب بمحافظة المنوفية، تفاصيل الساعات الأخيرة في حياة الأطفال الثلاثة، كاشفة عن ملابسات الجريمة المروعة التي هزت الشارع المصري، وأثارت حالة واسعة من الحزن والغضب، بعد العثور على الأطفال مخنوقين داخل منزل مهجور.

قالت خلال لقائها مع الإعلامية نهال طايل في برنامج 'تفاصيل' المذاع على قناة 'صدى البلد2': اللي حصل إنهم كانوا رايحين الدرس زي ما بيروحوا من 3سنين، جنة ومكة بيروحوا الدرس بقالهم 3 سنين، كانوا رايحين الدرس وماسكين إيديهم في إيدين بعض زي كل يوم، وماما جنة وعبد الله بتعديهم الطريق لأن إحنا عندنا الطريق بيعدي منه تكاتك كتير، عدتهم الطريق ومشتهم شوية في البلد وسابتهم قدام عينيها 3 ماسكين إيد بعض ورجعت عشان حالها هنا في البيت'.

وأضافت: 'بعد شوية اتصلوا على أم عبداللة المدرسة وناس من البلد قالوا لها عيالكم ما جوش الدرس شوفوا عيالكم فين، فإحنا قلنا مثلاً بيلعبوا، معاهم فلوس بيجيبوا حاجة حلوة'.

وأوضحت: نزلوا ماما جنة وعبد الله وباباهم يدوروا عليهم في البلد، ويدوروا في البيوت ويفتحوا الكاميرات، الناس في البلد كلهم فتحوا بيوتهم عشان يشوفوا الكاميرات آخر خط سير العيال فين'.

وتابعت: 'مفزوعين كلنا وفاتحين الكاميرات والناس عمالة تدور، مرة واحدة لقيناهم طالعين بيهم من بيت مهجور متعلقين في السقف ومخنوقين، خدناهم وبقينا نفسنا نسعفهم بأي شكل من الأشكال،  وخدت مكة ورحنا وحدة ميت مسعود، جنة وعبد الله راحوا وحدة الراهب، لا دول كان فيهم أمل ولا مكة كان فيها أمل'.

واختتمت: اللي عمل كده من البلد، هو  انتقام شيطاني مهما تكون أي خلافات، وكان هو ووالد جنة فيما بينهم خلاف في شغل، خلاف في فلوس، فانتقم منهم'.