ياسمين عز توجه نصيحة جديدة للسيدات: زوجك معرض للانقراض ومينفعش تكلميه وإنتي حافية

ياسمين حمادة 11 مارس 2023 | 11:05 مساءً

وجهت الإعلامية ياسمين عز نصيحة جديدة للسيدات، حول تعاملها مع زوجها أو التحدث معه في التليفون، قائلة: «مينفعش تكلمي جوزك في التليفون وإنتي حافية».

نصيحة ياسمين عز

قالت ياسمين عز في النصيحة الجديدة بتصريحات تلفزيونية لها: «عشان الكلام ميطلعش من رجلك، ولما تكلمي خطيبك على الموبايل إلبسي الشبكة أو أي حاجة بتخشخش عشان تديكي طاقة أنثوية رهيبة!!».

وتابعت قائلة: «جوزك عامل زي خشب الصندل الأحمر معرض للانقراض .. وإنتي قايمه من جنبه إعملي مارشيدير .. إديله وشك وإرجعي بضهرك عشان تطردي طاقة النكد معاكي وإنتي خارجة!!».

ياسمين عز للسوريات

علقت الإعلامية ياسمين عز عن هجوم السيدات السورية عليها قائلة: «إمبارح كنت بوجه رسالة بقول فيها للست السورية، سيبي فرعونك ياكل وينبسط براحته».

قالت ياسمين عز في تصريحات تلفزيونية لها: «تطلع واحدة تقولي معندناش فرعون هنا عندك انتي.. ده كلام.. الجملة دي قدرتي تقوليها لي.. ده حتى عيب على تاريخي أغلط فيما يخص الفرعون».

تصريحات ياسمين عز

وتابعت: «أنا أقصد لو إنتي سورية متجوزة فرعون مصري هتقولي له يا فرعوني، ولو متجوزة سوري، إحنا بنتكلم عن عكيدك يؤبر قلبك، هتقولي له إيه، يا ابن عمي، يا تاج راسي، العكيدي أبوشهاب راح، العكيدي أبوعصام، الجنرال راح، الجنرال جه.. ده اللي عندكم».

وقالت ياسمين عز عن الرجل السوري: «ليه مش فرعون؟، عشان هو حلاوة وأدب زهرة حلب».

ياسمين عز