نفى اليوتيوبر على غزلان قبامه بنشر صورة لجثمان الراحل مصطفى حفناوى، من داخل قبره، أثناء مراسم دفنه مساء أمس ، بعد أن وافته المنية اثر إصابة مفاجئة بجلطة فى المخ.
وتداول نشطاء على مواقع التواصل الإجتماعى صورة منسوبة لحساب اليوتيوبر على غزلان، يظهر فيها جثمان داخل قبر قبل إغلاقه اثناء لحظات الدفن، وهو مااثار حالة من الغضب وسيل من التعليقات الغاضبة والرافضة لنشر الصورة المنسوبة لـ على غزلان.
ورد غزلان على صفحته مؤكدا عدم قيامه بنشر اي صور للراحل مصطفى حفناوى ، قائلا: حسبي الله ونعم الوكيل، صفحة نزلت صورة لقبر فاضي ، خدت الصورة ونزلتها وكتبت عليها دعاء ، والناس داخلة تقول اني بشير قبر مصطفي وان مصطفي جوة وحرمه الميت !! دي صورة لقبر فاضي اقسم بالله ومش انا اللي مصورها .
حرام عليكوا ، أنا مش ناقص ، حرام تتاجروا بيا عشان تلموا لايكات وتشتموا ! حرام عليكوا وربنا ، احنا مش ناقصين ! احنا تعبانين ! حرام عليكوا انا طول الجنازة ممسكتش موبيلي اصلا ولا طلعته من جيبي .. الناس كانوا معايا تقدروا تسألوهم .
قسماً باله مصورتش ومنزلتش حاجة ، الناس بدل ماتدعي لمصطفي داخلين يشتموا ويختلقوا مواضيع كذب وافتراء ، وانتوا متشيروش حاجة لاي حد قبل ماتتاكدوا منها ارجوكم .. في ناس ربنا ينتقم منهم بيصطدوا في المية العكرة ، حسبي الله ونعم الوكيل ،، اتقوا الله .
وسادت حالة من الحزن الشديد طوال ساعات أمس الاثنين بعد إعلان وفاة اليوتيوبر الشاب مصطفى حفناوى، والذى جذب تعاطف ودعوات الملايين خلال أيام مرضه التى لم تستمر طويلا قبل الرحيل.
أحمد فلوكس لهاني شاكر بعد وفاة مصطفى حفناوي: «جايين تاخدو اللقطة»
لميس سلامة: الحياة على انستجرام واقفة بعد إصابة مصطفى حفناوي
الرسالة الأخيرة لـ مصطفى حفناوى: «اقرؤوا الفاتحة لكل ميت»
