أعرب الفنانة إسعاد يونس عن سعادتها الكبيرة بندوة تكريمها، ضمن فعاليات المهرجان القومي للمسرح.
قالت إسعاد يونس في ندوة تكريمها بالمهرجان القومي للمسرح المصري: «ربنا بيكافأني على حاجات كتير أوي ومش مصدقة إني قاعدة في ندوة تكريم ليا».
وتابعت: «ربنا منحني فرص متوفرتش لناس كتير زي إن خالتي كانت مطربة ومتزوجة من فنان ثم تزوجت من أحد أعضاء فرقة أم كلثوم».
واستكملت إسعاد يونس: «والدي صحفي وتلميذ لإحسان عبدالقدوس وكان عمري 5 سنين».
وأضافت: «إن فيه مسرحيات كتير متصورتش وأرشيف متصورش بتوجعني أوي، وكنا زمان بناخد 4 جنيه ونص في الإعلانات، وسمير غانم قالي قومي إنزلي معايا محتاجك جدًا عشان مسلسل ميزو، المخرج سألني بتعرفي تمثلي قولتله أستاذ سمير بيقول بعرف، وأول ما اتعرض المسلسل لاقينا نفسنا أنا وفردوس عبدالحميد اتشهرنا فجأة والناس بتسلم علينا في الشارع».
واختتمت: «جت فترة السيدة شادية قررت تعتزل في ريا وسكينة فطلبوا مني أجي مكانها لكني رفضت طبعًا».
