كشف الفنان جاد شويري لأول مرة وصيته بعد الوفاة، وتحدث عن الأكلات المصرية التي يفضلها.
وقال جاد شويري في لقائه مع الإعلامية شيرين سليمان ببرنامج سبوت لايت: «عايز أطلب مثل صباح.. شغلوا أغاني وارقصوا في جنازتي.. بلاقي الحياة مش مستاهل إن واحد يكون زعلان».
وأضاف: «وكلنا نفس الحاجة يعني، على قد ما نجحتي وأنجزتي بالآخر كلنا مش واخدين حاجة معانا، يعني ننبسط في الحياة دي بحب، بقناعة، باللي إحنا قادرين عليه، وكفاية».
وتحدث جاد شويري أيضًا عن حبه للأكلات المصرية، قائلًا: «اللبنانيين عادةً بيفضلوا الملوخية بتاعتهم، أنا بفضل الملوخية بتاعتكم المصرية وبحب الملوخية بالجمبري، وبفضل الحمص بتاعكم والباذنجان اللي هي إحنا بنسميه متبل».
وعن نطق اسمه في مصر، علق قائلًا: «كنت سامع قبل نانسي عجرم والحاجات دي يعني، ماكنتش بستغرب، لكن حتة الفول اللي استغربتني أوي، وبعد كده أحمد مكي قالها في فيلم إنه جاد هو بتاع فول جاد، فكلمة جاد كانت منتشرة عندكم من ورا الفول».
واختتم جاد شويري برسالة للجمهور، قائلًا: «لأي حد بيسمعني ياريت يدوا فرصة للأغاني، أنا شغال عليهم كتير ياريت تعجبهم، ولو ما عجبتهمش في أغنية لسه نازلة بتقول كلمتين كده».
