آثار الحكيم: اعتزلت الفن في قمة نجاحي بإرادتي.. والحياة مراحل والإنسان لازم "يلحق نفسه"

قالت الفنانة آثار الحكيم إنها معتزلة الفن منذ حوالي 15 عامًا، مؤكدة أن قرار الاعتزال كان بإرادتها الكاملة وفي قمة نجاحها، وليس بسبب أي خلافات داخل الوسط الفني أو ضغوط كما يشاع، مضيفة: 'لا لا لا خالص، ربنا كرمني واعتزلت وأنا في عز شغلي ونجاحي من فضل ربنا'.

وتابعت خلال مداخلة هاتفية مع الإعلامية نهال طايل ببرنامج “تفاصيل” المذاع على قناة صدى البلد 2، أنها ممتنة لحب الناس وتواصلهم معها حتى الآن، قائلة: “الحمد لله الناس لسه بتبعت رسائل جميلة وبتسأل عليا، وده من فضل ربنا نعمة كبيرة”.

وردًا على سؤال حول سبب الاعتزال، أكدت أنه قرار شخصي نابع من قناعة داخلية، موضحة أن فكرة وجود مشاكل أو خلافات ليست صحيحة، وقالت: “لا مفيش حاجة اسمها كده، أنا من فضل الله تشبعت.. الإنسان بيمر بمراحل، طفولة بيبقى بيلعب، مراهقة تمرد، شباب إثبات ذات، وبعدها جواز وأولاد، وبعدين بييجي وقت لازم الواحد يقعد يلحق نفسه”.

وأضافت آثار الحكيم أن الإنسان يجب أن يدرك حقيقة الحياة، قائلة: “والله أول عدو للإنسان الجهل، إحنا مش عارفين أولها من آخرها فين، إحنا تايهين شوية… أول فريضة ربنا أمرنا بيها هي اقرأ، يعني اعلم وافهم حق ربنا علينا إيه وإحنا رايحين فين”.

واختتمت حديثها بالتأكيد على أن الدنيا رحلة قصيرة، قائلة: “الحياة دي أقصر رحلة، حتى لو عشنا 100 سنة هتحسي إنها ساعة، فإحنا لازم نفهم إحنا جايين ليه ورايحين فين”.