آيتن عامر عن مشاجرة فتيات بمدرسة شهيرة: «قلبي واجعني على البنت ولازم والدتها تاخد حقها بالقانون»

أعربت الفنانة آيتن عامر عن استيائها بعد مشاهدة مقطع فيديو متداول على مواقع التواصل الاجتماعي، لفتاتين وهما يعتديان بالضرب على فتاة أصغر منهما في السن، داخل إحدى المدارس الشهيرة بمنطقة التجمع.

ونشرت آيتن عامر، مقطع فيديو عبر صفحتها الرسمية على فيس بوك، مقطع فيديو علقت من خلاله على واقعة المشاجرة بين الفتاتين، قائلة: «لسة شايفة فيديو لخناقة في مدرسة المفروض أنها من المدارس المهمة لبنتين بيضربوا بنت أصغر منهم، بنت في جريت 10، وبنت في جريت 12، بيضربوا بنت في جريت 6، اللي دايقني إن زمايلها كلهم في المدرسة شايفين البنت وهي بتضرب وفاتحن موبايلات وبيصوروا ومحدش هان عليه إنه يداقع عن البنت'.

وأضافت آيتن عامر قائلة: «أنا عندي حالة صدمة، أنا فجأة تخيلت حد من ولادي في موقف زي ده ومش عارفة أعمل ايه أقول لولادي لو شوفتو ا موقف مماثل تتدخلوا ولا لأ هو ايه اللي بيحصل ؟ احنا ليه وصلنا للدرجة دي، مهو احنا لو مربيناش ولادنا كويس احنا كده بنساعد إن في جيل يطلع أخلاقه مش مفهومة وطباعة مش مفهومة وسلوكه غريب، أنا عندي حالة صدمة ومش هتلكم عن الألفاظ اللي البنت كانت بتشتم بيها البنت اللي كانت واقعة في الأرض».

وتابعت آيتن عامر، قائلة: «خايفة أقول لولادي لو شوفتوا موقف مماثل وحد بيتضرب ادخلو دافعوا عنه ولادي يتعرضوا للأذى، وفي نفس الوقت قلبي موجوع على البنت وكنت بتمنى حد يدافع عنها، عندي شعور غريب متلخبطة مش عايزة ابقى حساسة بزيادة لكن قلبي واجعني على البنت ولازم والدتها تاخد حقها بالقانون، من غير صلح لأن اللي حصل ده شئ مرعب.. واتمنى إن البنت حقها يرجع».