أحمد السقا: «سمر السقا مش قريبتي ولا يمكن أهين أم أولادي»

كشف الفنان أحمد السقا، تفاصيل جديدة في ظل الجدل الدائر حول طلاقه من الإعلامية مها الصغير، وما أثير من منشورات على مواقع التواصل الاجتماعي اعتُبرت مسيئة لها.

وأوضح أحمد السقا قائلاً: "أنا مكتبتش ولا حاجة من اللي أنتم شوفتوها.. مكتبتش جملة واحدة، دي أم ولادي وأنا مقدرش أغلط فيها ولا يمكن أغلط فيها".

وقال السقا "أختي اللي بتدير الصفحة،  البوستات اللي اتكتبت واتمسحت كانت من كتابتها، ولما استيقظت من النوم اكتشفت اللي حصل ولقيت الدنيا هايصة"

وتابع خلال رسالة نقلتها الإعلامية بسمة وهبة: "اللي حصل ده ضايقني جدًا، لا يمكن أهين زوجتي أو أم أولادي بكلمة واحدة على السوشيال ميديا".

كما أوضح السقا، حقيقة شخصية تُدعى "سمر السقا كانت قد كتبت تعليقات على منشور الزواج" قائلًا: "سمر السقا مش قريبتي، دي واحدة من الفانز، ومن كتر الإعجاب بالنجم بتاخد لقبه، وعشان كده مسمية نفسها كده."

واختتم السقا حديثه بالتأكيد على أن ما حدث كان نتيجة خطأ ارتكبته شقيقته بالرد على تعليقات هذه المتابعة، مما أشعل الجدل على مواقع التواصل.