السيسي: «كل حاجة بتمنها .. وعلشان نقدر نعيش لازم الزيادة فى تكلفة التشغيل»

قال الرئيس عبد الفتاح السيسي، إن دوره مسئولًا مع المصريين، على النجاح بمصر في كافة القطاعات المختلفة، مشيرًا إلى أن تلك القطاعات على رأسها مترو الأنفاق والسكك الحديدية ممولة بقروض، ولابد من الحفاظ على كفاءة تلك المرافق.

وأضاف الرئيس السيسي: «أنا عارف إن الناس هتفهمني كويس، لأننا ماعندناش خيار تاني، وإلا كده هنكون بنبيع لكم الوهم بأننا نقول لكم عملنا وأنجزنا وتتفاجئوا بعد 5 أو 6 سنوات إن الخدمة لم تعد صالحة للاستخدام، وهذا لن يحدث ولن نقبل به».

واستكمل أن الناس كانت تعاني وتنفق أكثر في الفترة الماضية، قبل هذه المشروعات، مضيفًا: «لما نعمل لكم حاجة حديثة بالشكل ده لراحتك ومساعدتك وتليق بك ماينفعش تقولي ماتغليش، وعايزين التكلفة المظبوطة علشان نقدر نعيش».

وتابع أن تدهور قطاع السكك الحديد، في السنوات الماضية، نتيجة عدم متابعة التطور في تكلفة التشغيل والزيادة على الناس، مواصلًا حديثه: «كل حاجة بثمنها أو الدعم اللي فيها نقدر نتحمله سواء الخدمة كانت قديمة أو حديثة».