السيسي: مشروعاتنا الزراعية تحتاج تركيز إعلامي أكبر.. فيديو

قال الرئيس عبد الفتاح السيسي، إنه لم يتم عمل تسويق إعلامي للجهد المبذول في توشكى أو سيناء، لعناصر المشروع أو تكلفته المالية، مؤكدًا أن المشروعات الزراعية تحتاج تركيز إعلامي أكبر.

وأضاف السيسي، تعقيبًا على حديث اللواء إيهاب الفار، رئيس الهيئة الهندسية للقوات المسلحة، خلال افتتاح مشروع توشكى الخير «عاوزين نقول للناس اتطمنوا مش كلام؛ لما اقول فيه 60 كيلو حفرناه في الأرض ونزلنا مواسير مع المحطة اللي بتتعمل مع تجميع المصارف، وعمل شبكة ري داخل الـ 500 ألف فدان وشبكة كهربا؛ لما اتعمل السد العالي اده الناس أمل كبير، ما اتعملش تصوير إعلامي للجهد ده سواء هنا أو في سيناء لعناصر المشروع وتكلفته المالية».

وتابع الرئيس: «هوة الـ 100 مليار اللي اتعمل بيهم السد حوالي 500 مليون دولار ساعتها، هما الـ 500 مليون دولار، هوة النهاردة لو عاوز أعمل سد عالي تاني ياخد مني الجهد بعد تطور المعدات؟، ياخد معايا الوقت اللي اتعمل فيه؟، عتابي هنا علينا كدولة يا جماعة كل مشروع من دول (اللي بيتعمل في سينا سد عالي والي بيتعمل في توشكى سد عالي)».

وأكد الرئيس أن ما يحدث من مشروعات قومية كبرى «ده المستحيل في معايير أي حد، وهنفضل نعمل كده في بلدنا لحد ما نبقى عملنا اللي علينا قدام ربنا».

وأضاف، تعقيبًا على ضرورة اهتمام وسائل الإعلام بتوضيح الجهد المبذول بهذه المشروعات: «وضحوا على وسائل الإعلام المكتوبة بمقالة واضحة؛ مش بس المشاريع دي إنما المشروعات في بورسعيد والإسكندرية ودمياط ضد التغيرات المناخية».

السيسي: كل واحد في الحكومة بيقوم بدوره بس مفيش كلام كتير.. فيديو

https://www.youtube.com/watch?v=dmomY43FAls

الذهاب إلى الأعلى