السيسي يوجه بتحويل عدادات الكهرباء إلى «مسبوقة الدفع» لحل أزمة القراءة الخاطئة.. فيديو

وجه الرئيس عبدالفتاح السيسي، بتحويل عدادات الكهرباء إلى مسبوقة الدفع لحل أزمة القراءة الخاطئة.

وطالب الرئيس السيسي خلال افتتاح عدد من المشروعات بصعيد مصر، بتغيير العدادات في المراكز التي تشملها مبادرة حياة كريمة إلى «مسبوقة الدفع» قائلا «هل ممكن نغير عدادات الـ 34 مركز اللي داخلين في المرحلة الأولى لحياة كريمة بعدادات مسبوقة الدفع، فيه ناس اشتكت ليا أن القراءة مش مظبوطة».

وتابع الرئيس السيسي «ياريت كل عدادتنا تبقى مسبوقة الدفع عشان نتجاوز مشكلة الظلم أو العدادات غير المضبوطة».

وقال السيسي: «باسمي وباسم كل المصريين، فرصة نتحدث عن وزير الكهرباء وجهده في مشكلة من أكبر المشكلات التي واجهتنا في مصر، نحن نتحدث عن جهد وزارة على رأسها عالم جليل فاضل استطاع عبر علمه وجهده تحقيق نقلة كبيرة في ملف الكهرباء بمصر، بعد ظروف صعبة في ملف الطاقة».

وأضاف «نسير في اتجاه أن تصبح الطاقة الكهربائية في مصر، سواء إنتاج أو تحكم أو توزيع مثل أي دولة متقدمة في هذا المجال، لذلك نحن نتحدث على النقل لدور الجوار عبر الربط الكهربائي، العالم كله رايح لكده والدولة اللي مش جاهزة هيفوتها التقدم ده»، مضيفا «مكناش هنقدر نعمل الربط إلا بالإجراءات والجهود التي نفذت في هذا المجال».

وأضاف الرئيس السيسي «الدكتور شاكر ليه مكتب وشركة كبرى، لما طلبنا منه يجي معنا ساب شركته ولم يسمح لها بالدخول في أي عمل مع الدولة المصرية، وأي حاجة بيعملها لينا بدون مقابل»، مازحا «أنا بصراحة حابب الحكاية دي».

وحول إنجازات ملف الكهرباء قال السيسي «المشكلة في 2013 و2014 لم تكن في الإنتاج فقط، بل التوزيع أيضا، لم يكن أمامنا خيار آخر لمشروعات الكهرباء»، مؤكدا أهمية إتاحة وسائل الإعلام لإنجازات مشروعات الكهرباء للمواطنين.

وحول أسعار الكهرباء قال الرئيس السيسي «بعض الناس ممكن تقول الكهرباء غالية يا دكتور شاكر، صحيح هي غالية مش عشان إحنا عايزين نغلييها عليكم، الدكتور شاكر ما اتكلمش في جودة التحصيل وحجم الفاقد، دائما نتحدث على حومة إجراءاتنا، دايما بقول لو بنحصل المستهدف من اللي بنعمله نبقى ناجحين، وإلا هيبقى فيه عجز تتحمله الدولة، أعباء هذه المشروعات ضخمة جدا، وكان أمامنا خيار من اثنين نقول المشكلة دي متتحلش مثل دول أخرى، أو نحلها لأننا شوفنا أن الأمن القومي المصري ممكن يتأثر بالحكاية دي».

وتابع «لو مفيش الكهرباء الناس مش هتشتغل وبالتالي تتقفل المصانع، والبلد دي هتتهد، الخطة»، مردفا «عرض مشروعات الصعيد هدفه إننا نقول للناس أن الاهتمام مش كلام، أتصور إن الأرقام اللي خصصت للصعيد وصلت إلى تريليون و100 مليار جنيه، وإحنا لسه شغالين».

https://www.youtube.com/watch?v=ffO88RgIrzg

السيسي يشكر محمد شاكر: عالم جليل فاضل استطاع تحقيق نقلة بالكهرباء.. فيديو

السيسي يتفقد اليوم مجمع بنبان للطاقة الشمسية ويفتتح عددا من مشروعات الكهرباء بالصعيد