الناس بتموت.. أحمد موسي يهاجم الغرب والأمم المتحدة بسبب زلزال سوريا

استنكر الإعلامي أحمد موسى، قرار منظمة الأمم المتحدة بشأن عقدها اجتماعا الأسبوع المقبل لمناقشة تداعيات الزلزال في سوريا ، قائلا: «الناس بتموت وانت لسه بتفكر تعمل اجتماع، لسه بتفكر، مستنى إيه، ومنتظرين إيه والدول الكبرى منتظرة إيه».

أضاف خلال برنامج «على مسئوليتي»، المذاع على قناة صدى البلد، قائلا: «الموضوع ده محتاج حاجة واحدة بس شوية إنسانية، والناس تبص على الآلاف الناس اللي تحت الأنقاض حتى الآن وملايين المشردين، ده حتى مفيش خيمة يقعدوا فيها وهيموتوا من البرد من البرد، ولسه بتفكروا تعملوا اجتماع، دي مش سياسة، دي إنسانية، ولازم تشوفوا معاناة الناس».

وقال:«الزلزال كشف عورة الدول الكبرى، مش عايزين نسمع صوتكم بعد كده، أوعى تكلمني عن حقوق الإنسان، إنتوا اتعريتوا أمام العالم كله، ودلوقتي لسه بتفكر تعمل جلسة عن مناقشة الأوضاع في سوريا بعد الزلزال المدمر، لسه هتتحرك بعد 10 أو 12 يوما من المأساة، يا راجل انت عاوز تدي سوريا 30 مليون دولار في الكارثة دي، وعايز تدي أوكرانيا 150 مليون دولار، إنتوا بتتعاملوا بسياسة الكيل يمكيالين، لازم يبقى عندنا إنسانية، وفين حقوق الإنسان اللى إنت بتتكلموا عليها خليها عنوانك الحقيقي على أرض الواقع».

وتابع أن العالم العربي انتفض من أجل مساعدة شعب سوريا الشقيق، موضحا أن مصر على الفور بادرت بالمساعدات ولم تنتظر وهي مصر الكبيرة تقف بجوار أشقائها.

وأكد أن مصر قدمت الدعم والمساعدات لسوريا وتركيا، لافتا إلى أن مصر تعاملت بإنسانية ولم تنظر لأي شيئ آخر سوى تقديم المساعدة وحجم الكارثة وآلاف الضحايا الذين سقطوا جراء الزلزال.

وأوضح أن مصر بلد عظيم، مشيرا إلى مصر تلقت الإشادة والشكر من قبل الشعبين السوري والتركي بعد الموقف الإنساني بعد تقديم الدعم الفوري فور حدوث الزلزال.

وأشار إلى أن ما تشهده كل من سوريا وتركيا وجع بمعنى الكلمة، قائلا: «بعض الأماكن في تركيا زي الملاعب والفنادق استقبلت الناس علشان الناس مش لاقية مكان، الدنيا برد، والناس محتاجة أي مساعدة، لابد من تقديم الدعم، وتكاتف الجميع، سوريا مش هتقدر لوحدها، دي مأساة كارثية».

الفيضان هيغرق سوريا .. تحذيرات من انهيار سدود تركيا بسبب الزلزال .. فيديو

المرصد السوري: ارتفاع عدد ضحايا زلزال سوريا إلى 5200 قتيل