تفاصيل مرعبة.. جار ضحية الإسكندرية يروي كواليس اكتشاف مقتل والدة سالي الجباس

كشف جار ضحية واقعة الإسكندرية تفاصيل جديدة ومفزعة عن الحادث، مؤكدا أن ما حدث داخل الشقة كان صادما لكل سكان العقار.

وقال جار الضحية، إن بداية اكتشاف الواقعة جاءت بعد انبعاث رائحة قوية من داخل الشقة، موضحا أن رئيس اتحاد ملاك العقار حاول التواصل معها أكثر من مرة دون استجابة، ليقرر إبلاغ النجدة بعد تأكد السكان من أن مصدر الرائحة هو الشقة.

وأضاف خلال لقائه مع الإعلامية نهال طايل ببرنامج 'تفاصيل' المذاع على قناة صدى البلد 2: 'إحنا كنا فاكرين إنها هي ووالدتها حصل لهم حاجة لا قدر الله، ممكن يكون غاز أو أي سبب تاني، مكنش في دماغنا خالص اللي لقيناه.'

وأوضح أن قوات الدفاع المدني حضرت إلى المكان، وتمكنت من ملاحظة وجود رائحة جثة قبل فتح الباب، قائلًا: 'الدفاع المدني قدر يميز من قبل ما الباب يتفتح إن في حاجة جوا، وبعدها المباحث حضرت وتم كسر الباب.'

وتابع الجار: 'كل الناس كانت داخلة وهي متخيلة إن في حاجة حصلت للاتنين، إنهم ممكن يكونوا توفوا، لكن اللي حصل كان صدمة للجميع.'

وعن لحظة دخوله الشقة، قال: 'أنا كنت طالع على السلم وقت ما كانوا بيقتحموا المكان، ناس دخلت قبلي، وابتدوا يطلعوا واحد ورا التاني والذهول على وشوشهم، محدش كان بيرد على حد.'

واستكمل: 'دخلت يادوب، مقدرتش أستحمل الريحة كانت قوية جدًا، وشوفت قطع آدمية موجودة على الأرض، مقدرتش أكمل وخرجت وقعدت في شقتي، وبعدها بدأت المباحث والنيابة والطب الشرعي إجراءاتهم.'

وأشار الجار إلى أن الضحية كانت تظهر بشكل مختلف في تعاملاتها، قائلا: 'كانت شخصين في شخصية واحدة، وكان في حاجات كتير محدش كان متخيلها.'