حجاج عبدالعظيم عن البطولة المطلقة: «أنا بطل في جملتي ومايهمنيش اسمي في التتر»

تحدث الفنان حجاج عبدالعظيم عن موقفه من مصطلح النجومية والبطولة المطلقة، بعد مشوار فني طويل.

قال حجاج عبدالعظيم عبر تصريحات تلفزيونية: «دايمًا بيتقالي أنت ليه مش نجم شباك ومش بطل!.. أومال أنا بعمل إيه.. أنا بطل في جملتي لو جملة بقولها في عمل أنا بطل لكن لو قريت دور من الجلدة للجلدة ولقيته ملوش لازمة وممكن المخرج يشيله في المونتاج ملوش لازمة لازم يكون دور محوري أنا بغير أحداث».

وتابع: «مش بقيس بالمسطرة أنا إزاي هكون موجود في العمل، مش بيفرق معايا اسمي في التتر معنديش مشاكل أنا لما يكلموني ويسألوني تاخد كام أقولهم أشوف الورق».

واستكمل حجاج عبدالعظيم: «ممكن يقولي مبلغ يغريني وأنا مش بقول حاجة، أنا بفكر أنا رايح أعمل إيه، وبيشدني العوامل الفنية من مخرج وكاتب والممثلين كل دا بيفرق».