حسام حبيب عن إمكانية عودته لـ شيرين عبدالوهاب: دمرتني ودمرت أهلي

كشف الفنان حسام حبيب حقيقة قيامه بحلاقة شعر طليقته الفنانة شيرين عبدالوهاب، وكشف إمكانية عودتهما من الانفصال.

قال حسام حبيب عبر تصريحات تلفزيونية: «الدكتور اللي كان بينظم علاقتنا كان ينصحني لو شيرين متعصبة سيب المكان وروح مكان تاني».

تصريحات حسام حبيب

وتابع: «وعملت كده فعلاً ونمت وصحيت ملقتهاش في البيت بعد كذا يوم كلمتني وقالتلي مكانها ولما روحتلها كان في واحد صاحبنا وواحدة صاحبتنا».

واستكمل حسام حبيب: «وبعدها طلبت مني أسمع لها الأغاني بتاعتي اللي أنا عملتها وأما سمعتها قالت لي أنت بتعمل لنفسك أغاني أحسن من اللي بتعملها لي وراحت معيطة».

إمكانية عودة حسام حبيب لـ شيرين عبدالوهاب

وأضاف: «وبعد كده صاحبتنا قالت لي خلي بالك من فلان هو بيسخن شيرين عليك، فدخلتها هي قالت ليا أنت بتكلم معاها في إيه أنت جاي تنكد علينا، وقالت لي قوم روح، وبعدها قالتلي أنا عايزة أطلق، قولتلها كفاية يا شيرين، وبعدها قولت لصاحبتنا روحي شوفي فين شيرين».

وقال حسام حبيب أيضًا: «خبطنا عليها مش بتفتح لكن بعدها طلعت لقيناها بالمنظر ده أنا اتخضيت جدًا فهي اللي حلقت شعرها».

واختتم: «مرحلتي مع شيرين عبدالوهاب انتهت ولن أعود تاني وعلاقتي بيها دمرتني ودمرت أهلي، وهي دلوقتي بالنسبالي مرحلة وعدت والناس مستكترة المرحلة دي تعدي عليا، وأنا مكنتش عاوز أرد حفاظًا على العشرة وكنت مصمم لآخر نفس أحافظ عليها».

شيرين عبد الوهاب وحسام حبيب