دينا فؤاد تكشف أكبر صدمات حياتها: حسيت بضربة في قلبي وبتحسد بسرعة

كشفت الفنانة دينا فؤاد أسرار من حياتها لأول مرة، بجانب طريقة محافظتها على نضارة بشرتها وكواليس أعمالها الفنية.

قالت دينا فؤاد عبر تصريحات إعلامية: «أمي توفيت وأنا عندي سنتين ومش فاكرة منها أي حاجة، وأختي ووالدي هما اللي كانوا بيحكولي عنها».

تصريحات دينا فؤاد

وتابعت: «وكتير كنت بعدّي بمواقف محتجالها فيها، زي وفاة والدي، ووفاة المنتجين الأربعة.. من أكبر صدمات حياتي وفاة المنتجين الأربعة، اللي كنت بعتبرهم جزء من عيلتي، وحسيت بضربة في قلبي لما سمعت الخبر وهما ماتوا شهداء».

واستكملت دينا فؤاد: «وفاكرة آخر موقف جمعني بكل حد في الأربعة، وعيشت يوم صعب أوي وقتها».

أسرار دينا فؤاد

وقالت أيضًا: «أنا مش من النوع اللي بيحط مكياج في الخروجات أو أي مناسبة، ولو اضطريت أحط مكياج في تصوير أو أي حفل برجع البيت أغسل وشّي بالماية على طول».

واختتمت دينا فؤاد: « أنا نجمي خفيف وبتحسد بسرعة، ودايمًا بقول أذكار الصباح والمساح، وأي بني آدم بيتحسد، اللي قاعد في بيته بيتحسد حتى على ضحكته».