ريهام سعيد: رضوى الشربيني حاولت تشوفلي دكتور وعبير صبري جرحتني

كشفت الفنانة ريهام سعيد تفاصيل جديدة عن مرضها، وعلاقتها بعدد من الفنانات بين الصداقة والخلافات.

قالت ريهام سعيد عبر تصريحات تلفزيونية: «أكتر حاجة كسبتها في أزمة مرضي إني فيه فنانين أنا ماكنش ليّ دعوة بيهم وبقوا أصحابي دلوقتي».

تصريحات ريهام سعيد

وتابعت: «وكلهم عندهم أخلاق غير طبيعية، ريهام عبد الغفور كنت أعرفها من قبل لكن ماكناش قريبين زي دلوقتي، فعلاً دي ست محترمة، انا مسمياها ملاك، وريهام حجاج، ورضوى الشربيني حاولت كتير في الأول إنها تشوفلي دكتور».

واستكملت ريهام سعيد حديثها: «ممكن تكون لما آخر مرة ودتني لشام الذهبي، وعرفت إن مفيش حل، يمكن من وقتها بطلت تتواصل لكنها حاولت جاهدة بصراحة».

خلاف ريهام سعيد وعبير صبري

وفيما يخص خلافها مع عبير صبري، علقت قائلة: «أنا بقابل ناس كتير بيشجعوني بيقولولي إنتي زي القمر، وإنتي حلوة، مفيش غير واحدة بس اللي جرحتني جرح فظيع ويمكن مش مفروض أقول اسمها».

وقالت ريهام سعيد أيضًا: «إحنا صحاب اشتغلنا مع بعض، بس هي قابلتني وقالتلي كلمة ضايقتني أوي، كنت رايحة في حفلة على البحر وشُفتها، كنت الوحيدة اللي حاطة مكياج، والبحر ماينفعش تحطي مكياج، فأنا وداخلة قالتلي (ما أنتي كويسة أهو، أنتي دراما كوين وبتحبي تعملي دراما.. بعدها سيبت الحفلة دي وركبت عربيتي وقعدت أعيّط».

واختتمت: «كنت عايزة أقولها لو تعرفي كم الألم اللي فيّ، ومكتوب في الطب الشرعي إني أنا عندي (ستيغماتيزم) وإن هو السبب في رمشة العيون، وأنا والله العظيم قبل العملية بيوم ماكنش عندي ستيغماتيزم، وبقول اسمها عشان مش عايزة أكلمها تاني».

ريهام سعيد وعبير صبري

ريهام سعيد