ريهام عبدالغفور عن تغيّر ملامحها: متصالحة مع نفسي وشكلي وسني

تحدثت الفنانة ريهام عبدالغفور عن نظرتها للتقدم في العمر وتغير ملامحها، موضحة أنها تعيش حالة من التصالح مع نفسها وشكلها وسنها.

قالت ريهام عبدالغفور عبر تصريحات تلفزيونية: «متصالحة مع نفسي وشكلي وسني ومكنتش باخد بالي من التجاعيد غير لما قرأت تعليقات الجمهور».

وتابعت: «ومش حاسة إن قيمتي في شكلي، ولكن الناس بتعرف تضايق، وأنا مش بيفرق معايا، وبحب أكتر الناس اللي سنّها كبير وعندها تجاعيد عن الناس اللي شكلها مش حقيقي».

وعلى الجانب الآخر، كشفت ريهام عبدالغفور رغبتها في تقديم جزء ثاني من مسلسل الغرفة 207، موضحة أن أحداث الموسم الأول لم تنتهي بصورة كاملة.

واستكملت ريهام عبدالغفور: «كان نفسي أقدم جزء تاني من مسلسل الغرفة 207، لأن القصة مخلصتش، كانت لسه هتبتدي وكل الحاجات اللي مكانتش مفهومة كانت هتتشرح في الموسم التاني، وكلنا دخلنا المسلسل على هذا الأساس، بس دي حاجات خارجة عن إرادتنا».