شمس البارودي تكشف تفاصيل الحادث وتطورات حالتها: «ألم مش طبيعي حاسة إني اتفشفشت»

تحدثت الفنانة شمس البارودي عن الحادث الذي تعرضت له قبل حوالي أسبوع، وكشفت عن تطورات حالتها الصحية.

قالت شمس البارودي في فيديو نشرته على حسابها الرسمي بموقع فيس بوك: «ده أول فيديو.. بعد أول كشوفات.. الأطباء.. الحمدلله.. لحد دلوقتي كل حاجة تمام بفضل من الله.. والله أنا في لحظة وأنا بنزف.. كلمت ربنا وقولت له لأ أنت بتحبني، قولت له لأ أنت بتحبني مش هتعمل فيا كده أنت بتحبني.. وأنا بتوجع بتوجع بتوجع.. ودم.. مش عارفة جاي منين الدم ده!.. الحمد لله، الحمد لله، الحمد لله».

وتابعت: «أنتوا حاسين اللي حاصل لنخلتي؟ نخلتي قربت مني والله قربت.. أنا قربت أمسكها، قربت أمسكها.. إمبارح وأنا ببص عليها قعدت تروح وتيجي وتروح وتيجي.. بترحّب بوجودي.. الحمد لله، الحمد لله، الحمد لله.. وما زلت لسه في أطباء تانيين.. هنشوف وبعض الردود والكدمات.. إن شاء الله إن شاء الله كله تمام.. إن شاء الله أنا يقيني بالله كده، يقيني بالله إن شاء الله إن كل شيء تمام».

واستكملت شمس البارودي: «هتقعدوا تضحكوا عليا، أنا أساسًا في عز اللي أنا كنت فيه.. بكلم ربنا.. زعلانة منه بقوله لأ.. أنت مش هتعمل فيا كده لأ.. أنت بتحبني.. بس كان ألم مش طبيعي مش طبيعي.. كل جسمي.. وجع كان مش طبيعي.. مع الدم ومش عارفة جاي منين وإزاي.. كنت حاسة إني اتفشفشت.. أنا متفشفشة من أول دماغي لحد رجليا.. الحمدلله الحمدلله».

واختتمت: «لسه بتوجع من القفص الصدري والله كأنه.. يعني عندي ألم فظيع جدًا، كلي كلي كده مش عارفة إيه اللي حصل.. الحمد لله الحمد لله.. قدّر الله وما شاء فعل.. قدّر ولطف، والله قدر ولطف.. ما لحقتش أتهنى بالساحل.. يعني إحنا قعدنا في شهر 6 أسبوعين.. ورجعنا على أساس إننا هنروح 7 و8، ما روحناش قعدنا هنا.. في القاهرة في الحر.. وبعدين روحنا 9، كمان مش عشان نصيّف، روحت عشان سمعت الماسورة اتضربت اللي غرقت البيت كله من فوق لتحت».