صالحة عبدالفضيل عن واقعة مدرسة القليويبة: المحافظ مطلبش فواتير.. والأوراق موجودة بالإدارة

كشفت صالحة عبدالفضيل، مديرة مدرسة الشهيد بالقليوبية، تفاصيل لقائها بمحافظ القليوبية خلال زيارته للمدرسة، موضحة أنها لم تكن تعلم مسبقا بوجوده، بعدما وصلت إلى المدرسة عقب تواجدها في الإدارة التعليمية.

وقالت خلال مداخلة هاتفية مع الإعلامية نهال طايل في برنامج «تفاصيل» المذاع على قناة «صدى البلد2»: «مكنتش عارفة بزيارة المحافظ، لأني كنت جاية من الإدارة التعليمية ودخلت على المدرسة، قالوا المحافظ فوق، فطلعت له فوق وقابلته».

وأضافت أن زيارة المحافظ كانت في حدود الساعة الواحدة إلا ربع، مشيرة إلى أن وكيلة المدرسة والمدرسين كانوا متواجدين في المدرسة عند زيارة المحافظ.

وأوضحت: «أنا دلوقتي أقدم لمين ما يثبت إني صرفت من مالي الخاصة على المدرسة، والمحافظ لم يطلب مني فواتير ومحدش طلب مني فواتير، أنا مقدمة الأوراق في النواحي المالية التابعة للإدارة، وكلهم عارفين وإحنا شغالين بورق، ولازم أي مستند بيتم تقديمه بيكون معانا صورة ليه للإثبات».

وتابعت: «أول ما الفيديوهات انتشرت كل الناس لقيتهم بيعلقوا تعليقات شرفتني وكنت مبسوطة بيهم جدًا، والتعليقات اللي مش مقبولة إن فيه ناس تقول اتبرعنا، وإحنا مخدناش تبرعات من حد خالص ولا حد جاب لنا حاجة، وعايزة حد ييجي في وشي ويقول أنا جبت حاجة أو تبرعت بحاجة».