عائلة دنجوان السينما : مش كل من عنده شنب إعدادي يقول أنا شبه رشدي أباظة

انتشرت مؤخرا فيديوهات لشخص يزعم أنه شبيه الفنان الراحل رشدي أباظة الذي اشتهر بوسامته ولقب بـ"دنجوان السينما المصرية" الأمر الذي أثار جدلا واسعا على منصات التواصل الاجتماعي.

وردا على ذلك قالت أميرة أباظة، إن "الكثيرين ظهروا مؤخرا بشكل مقزز مدعين الشبه بالفنان رشدي أباظة وهم أبعد ما يكون إليه، موضحة أن هؤلاء يلجئون إلى صور قديمة للفنان ويقصون شعرهم بنفس الطريقة مع محاولة تقمص الشخصية عن طريق تدخين السجائر لكن في الحقيقة ليس من بينهم شبيها حقيقيا".

رشدي أباظة رشدي أباظة

مستفزين وعايزين يتشهروا

وأضافت أميرة أباظة خلال تصريحات خاصة لـ"موقع قناة صدى البلد": "كل اللي عاملين نفسهم شبهه يضايقوا بشكل مقزز، ومفيش حد فيهم الواحد يفرح أنه شبه رشدي أباظة، هو وارد أنه يكون فيه حد شبه التاني لكن بالأسلوب المستفز دا بيكرهوك فيهم، وعايزين يتشهروا على حساب الناس".

وتابعت: "للأسف الناس مش مقدرين دا، أنا بشوف ناس في التعليقات تقول له أنت مش شبهه بطل تقلده عشان الشهرة، لكن فيه ناس تانيين مش فاهمين حاجة وطيبين بيقولوا أنت شبهه والجو دا".

عائلة رشدي أباظة: إحنا أكيد مش هنسكت

وأردفت: "مفيش حد يقدر يعمل دور من أدواره ولا حد يعرف يمثل زي رشدي أباظة لأنه مافيش زيه أصلا، وإحنا هنفرح لو فيه شبه حقيقي، مضيفة: "كلهم عندهم شنب إعدادي، فمتدعيش لأن إحنا أكيد مش هنسكت، سكتنا مرة وقولنا عادي بيلعبوا على السوشيال ميديا، تجاهلنا في الأول لكن بعد كدا هناخد موقف".

رشدي أباظة رشدي أباظة

متصدقوش أي حد عايز يتشهر وخلاص

ووجهت رسالة لجمهور رشدي أباظة قائلة: "متصدقوش أي حد عايز يتشهر وخلاص، عشان إحنا شعب طيب جدا وبنحب أي حاجة، ولو فيه حد شبهه فعلا إحنا هندعمه بس ميبقاش كل من هب ودب، عنده شنب إعدادي يقول أنه شبه رشدي أباظة، مضيفة: "أرجوكم كفاية، أنتوا بتحبوا رشدي أباظة جدا، فادعوا له بالرحمة وافتكروا له كل حاجة حلوة".

وعن رد فعل عائلة رشدي أباظة عند رؤية من يزعمون أنهم أشباهه قالت أميرة: "أحيانا نضحك وأحيانا بنضايف، لأنه خلاص شفنا مرة والتانية وخلاص كدا".

رشدي أباظة رشدي أباظة

وأكملت: "أتمنى الناس تقدر الفنان رشدي أباظة، ويعرفوا حبه لمصر وأعطاها قد إيه، وياريت مش أي حد يطلع يقول تنساقوا وراه، لأنه لو عايز يتشهر يطلع ويقدم محتوى محترم خاص بيه، لأنه لو ممثل الناس هتعرف، لكن متعملش حاحة مش فيك، وأنت كدا شكلك هيبقى فيك أوي".

وجهت حديثها لمن يزعمون الشبه بالفنان رشدي أباظة: "أنتوا باينين وفيك أوي، ورشدي أباظة مفيش زيه تأني".

عائلة دنجوان السينما : اللي عاملين نفسهم شبه رشدي أباظة مستفزين وعايزين يتشهروا

 

الذهاب إلى الأعلى