عادل عوض يهاجم حنان ترك بسبب اعتزالها: كانت شيطان رقص ومتعرفش خربت كام بيت

هاجم المخرج عادل عوض الفنانة المعتزلة حنان ترك، بسبب اعتزالها الفن، وحملها مسئولية ضياع مجهود بُذل في تحويلها إلى نجمة وأيقونة، بجانب أن قرارها المفاجئ بالاعتزال كان سبب في خراب منازل كثير من العمال.

قال المخرج عادل عوض عن حنان ترك عبر تصريحات تلفزيونية: «زعلت من اعتزالها إحنا بنصنع نجمة، أنا أصنع حتة من النجم وبعدها يستلمها مخرج آخر ويصنع حتة مع منتج آخر ومصور آخر ومهندس ديكور آخر ومذيعات يستضيفوها، إحنا بنصنع أيقونة زي سعاد حسني وفاتن حمامة».

تصريحات المخرج عادل عوض عن حنان ترك

وتابع: «أما كلنا نشتغل علشان نصنع نجم وييجي النجم في لحظة يقول مش عايز، تعرفي كام عامل وفني كاميرا ومهندس ديكور مش هياكل علشان هي قررت ماتشتغلش».

واستكمل عادل عوض حديثه عن حنان ترك: «كانت مهووسة بالشغل وباليرينا شاطرة جدًا وشيطان رقص وحاجة نارية خطيرة جدًا واللي بيعتزل بيفقد الناس وظائف، وإحنا بنعمل الفيلم على اسم النجم بعد ما نصنعه، والفيلم بيفتح بيوت آلاف، لما تقولي لأ متعرفيش خربتي كام بيت».

عادل عوض

حفل زفاف ابنة عادل عوض

كان قد احتفل المخرج عادل عوض بزفاف ابنته جميلة عوض على المونتير أحمد حافظ، يوم 7 يونيو 2024.

حنان ترك