عمر كمال يكشف حقيقة ارتباطه وتفاصيل أزمه حفلة السعودية

محمود ســعد 10 سبتمبر 2022 | 11:44 صباحاً

كشف مطرب المهرجانات عمر كمال حقيقة ارتباطه في الفترة الأخيرة، مشيرا إلى أنه كان على وشك الزواج لكنه انفصل عن خطيبته في اللحظات الأخيرة، متمنيا أن يرزقه الله بفتاة تصونه وتكون سند له في الحياة.

الجواز رزق من ربنا

وأضاف كمال، في تصريحات تلفزيونية: «الجواز رزق من ربنا وأنا عندي 31 سنة وحبيت مرة واحدة ونفسي ربنا يكرمني بإنسانة تصوني وتخافي علي»، متابعا: «مش أي واحدة أظهر معاها يبقى هرتبط بيها لو كده يبقى هتجوز الدنيا كلها أنا إنسان صريح لو في حاجة هقول عليها وأنا مرت بتجربة حب مرة واحدة ومحصلش نصيب وفرحي كان هيبقى آخر الصيف ده لكن محصل نصيب وكمان أنا بفصل حياتي الشخصية عن شغلي».

وتابع مطرب المهرجانات: «نفسي أفرح لأني تعبت وهرقص في فرحي ومش هقول على فرحي إلا ما أحدد موعد الفرح ولما أكون ماسكها وهي جنبي في الكوشة ومش هغني في فرحي لأني غنيت في أفراح كل الناس وتعبت وعاوز أفرح».

أزمة حفله في السعودية

تحدث عمر كمال، عن أزمتة الأخيرة في المملكة العربية السعودية، قائلا :« أنا عاشق للسعودية وناسها ومش قصدي أعمل جدل والناس وفي الحج بيكون في تمور وحليب وكمان الحرم المكي مشهور بالطابع الديني وكنت بهزر مع الناس في الحلفة وقلت أشرب تمور وحليب والجمهور كان مبسوط في الحلفة والسعودية دولة محبة للفن ومصر».

أزمة أغنية تامر عاشور

كما كشف كمال، أزمة مقاضاة الفنان تامر عاشور له، قائلا :« الموضوع كان بسبب أغنية قولوا له سماح وتامر عاشور نزل الأغنية وقال للناس تغنيها فعملت كده ونزلتها ومكنتش في الوقت اتشهرت وفوجئت إن هو رافع على قضية تعويض وخلصتها ودفعت 200 ألف جنيه».