فتوح أحمد: بحب أنزل التربة مع الميت تحت وأشيله وأنزل بيه

إسماعيل هاني 04 مايو 2023 | 09:24 مساءً

تحدث الفنان فتوح أحمد، عن حقيقة تغسيله الموتى، والنزول بهم للقبر، وقصة القناعة التي يتمتع بها في حياته الخاصة.

فتوح أحمد: الرضى والقناعة دي نعمة من عند ربنا ادهاني

وقال فتوح أحمد، في تصريحات تليفزيونية: أنا مؤمن إن البني آدم لا تبقى منه سوى السيرة، ولا بيتقال كان ملياردير ولا كذا، بيتقال عليه كان جدع ولا كان راجل مش كويس. والرضى والقناعة دي نعمة من عند ربنا ادهاني، وربنا مدهاني وجاية من النشأة اللي عشت فيها واتربيت فيها.

فتوح أحمد: مشيي وسط المقابر عملت عندي مناعة

وتابع فتوح: كان صحابي بيوصلوني منطقة قريبة من البيت وأنا ماشي فيها بلاقي كلاب كتيرة واضطر أجمع الطوب، وإما يوصلوني لمكان ثاني أوصل منه البيت وده بعدي منه وسط المقابر .

واستكمل فتوح تصريحاته: بحب أنزل التربة مع الميت تحت وأشيله وأنزل بيه، ومشيي وسط المقابر عملت عندي مناعة متزعلش من حاجة ولا تضايق نفسك من حاجة، وعرفت ان كله في الآخر رخامة بتتشال وتترمي.