قصة حمل زوجة فتوح أحمد بعد زواج دام 25 عاما

إسماعيل هاني 04 مايو 2023 | 09:32 مساءً

كشف الفنان فتوح أحمد، معاناته مع انتظار مولوده الأول، وأمنيته في إنجاب زوجته طفلا وهو ما تحقق بعد زواج دام بينهما لمدة 25 عاما.

معاناة فتوح أحمد مع الخلفة

وقال فتوح أحمد في تصريحات تليفزيونية: لما اتجوزت مراتي مكنش عندي مشكلة في الخلفة وهي كمان نفس الموضوع، وروحنا لأكبر دكاترة والدكاترة ترد مفيش مشاكل معانا، وروحنا إيطاليا عشان نتأكد من الموضوع ده، وكان ردهم برضو مفيش حاجة والدنيا تمام، وفكرنا نعمل طفل أنابيب.

فتوح أحمد: كان نفسي أخلف عشانم مراتي تبعد عني

وتابع فتوح: كان نفسي أخلف عشان مراتي تبعد عني، بدل ما هي كل شوية تقولي انت فين؟ ، وهي لوحدها في البيت كانت محتاجة حاجة تونسها وتتسلى معاها.

فتوح أحمد: أنا زملكاوي ونص اخواتي أهلاوية

واستكمل فتوح أحمد: اللحظة اللي عرفت فيها انها حامل انقذتني من اني أنتهي..لما اتولدت والدي كان راتجل قعيد ومش بيشتغل وقاعد، وأمي كانت ست بيتي مش بتشتغل، واللي كان بيصرف عليا وقتها أخويا فتحي، وجاله سرطان ، وفضلت أجري بيه عشان أعالجه، أنا زملكاوي، واخواتي نصهم أهلاوي ونصعهم زملكاوي.

وأَضاف فتوح أحمد في تصريحاته التليفزيونية: مات فتحي أخويا بالسرطان، ومراتي كانت حامل في نفس الوقت، ومراتي حملت في ابنتي (فرح) بعد 25 سنة.