كارين نوالي تكشف علاقتها بضرتها: ربنا رضاني بيها

ياسمين حمادة 11 مارس 2023 | 09:00 مساءً

كارين نوالي كشفت تفاصيل صادمة عن علاقتها بضرتها، وتحدثت عن جنسيتها الحقيقية وحقيقة كونها لبنانية الأصل، بجانب العديد من المفاجآت عن حياتها.

تصريحات كارين نوالي

قالت الفنانة كارين نوالي في تصريحات تلفزيونية لها: «ساعات بتدخلي العلاقة على أساس معين وحاجات بيفرضها عليكي معطيات الحياة، وأما حصل تغيير لا إرادي في حياتي كان شيء ربنا رضاني بيه».

وتابعت كارين نوالي بعد عودتها من غياب طويل: «إن يجعلهم عيلة ليا وأصحاب وأصدقاء، وأنا بقول الحمدلله إني قدرت أوصل بمشاعري وبإحساسي اللي دايمًا بيحب كل الناس.. إنها تبقى أسرة كبيرة وعيلة كبيرة».

كارين نوالي وضرتها

واستكملت: «بتجمع أنا وضرتي في المناسبات والإجازات وبفرح أما بشوف عيالها، ومتعودين نتجمع في كل المناسبات والويك إند وأي مناسبة تخص الأولاد، وهي زوجته الأولى وساندته في حياته واتجوزت سيد شعراوي وهو منفصل عنها».

وأضافت المطربة كارين نوالي: «والأولاد دايمًا بيرجعوا العلاقات وسبب الانفصال كان سبب بسيط وفيه ناس مؤذية وأما عرفت السبب زعلت أوي وأما شوفت ولاده حبيتهم أوي وجوزي بيتلغبط مين ابن مين بسبب إنهم شكل بعض وإحنا بنفرح بتجمعهم ومبيكونش فيه أنا فيه إحنا».

جنسية كارين نوالي

وحرصت أن توجه رسالة لضرتها على الهواء قائلة: «بقولها حبيبتي ومبروك المولود الجديد وبقوله وشك حلو عليا يا مالك، أنا مبعرفش اعيش من غير حب ومحبة، وإحساس صعب إن جوزي يرجع لطليقته الأولى وأنا كنت هنفصل، بس ربنا مأردش ده ومكنش في حد بيأيدني في القرار».

وأوضحت كارين نوالي أن الجمهور يعتقد بأنها مطربة لبنانية لكنها في الحقيقة مصرية، لافتة إلى أن اسمها الحقيقي رانيا، لكن كارين هو اسم الشهرة، وعلقت قائلة: «وعشان شكلي شبه اللبنانيات.. لكن أنا إسكندرانية واسمي الحقيقي رانيا!!».

كارين نوالي