ليلى طاهر تكشف لـ صدى البلد تطورات حالتها بعد شائعة الوفاة

ياسمين حمادة 14 يونية 2023 | 11:53 صباحاً

كشفت الفنانة القديرة ليلى طاهر تطورات حالتها الصحية، بعد شائعة الوفاة التي طاردتها خلال الساعات الماضية.

تطورات حالة ليلى طاهر الصحية

قالت ليلى طاهر في تصريح خاص لموقع «قناة صدى البلد»، عن تطورات حالتها الصحية، إنها بحالة صحية جيدة جدًا ولا تعاني من أي شيء.

وعلقت الفنانة ليلى طاهر على شائعات الوفاة التي تطاردها، قائلة: «أنا زي الفل بس الناس مش مقتنعة، ومش أول مرة حصل قبل كده 3 أو 4 مرات».

قالت الفنانة ليلى طاهر في تصريحات تلفزيونية لها: «زمان كنت بضايق ولكن دلوقتي مابقتش أضايق وبقول دول هبل ومش عندهم حاجة يكتبها فيكتب أخبار وفاة، ولفت نظري حب الناس اللي ماتعرفنيش في الشارع».

ليلى طاهر

تصريحات ليلى طاهر

وتابعت: «وفي كل مكان وبحثهم عن رقمي عشان يطمنوا علي ولقيت الناس هجموا عليّ في نادي الجزيرة، وكأنهم شافوني أول مرة قعدوا يحضنوني ويبوسوني ويشتموا في اللي كتب الخبر، وعشان حب الناس ليا واحترامهم لي مش هنزل درجة واحدة عنه وعشان تاريخي اللي الناس بتعتز بيه».

واستكملت ليلى طاهر قائلة: «أنا سعيدة بالخبر ده وسعيدة علشان بحس بحبكوا ليا، يمكن قصدوا إنهم يزعلوني لكنهم أسعدوني، وأنا مش فاهمة جابوا الخبر ده ومش أول مرة، وكل شهر بيكتبوا الخبر وهما مش لاقيين حاجة يكتبوها، قاصدين يوصلوا المعلومة الكاذبة ليه بقى أنا مش عارفة، أنا بحب الفن بكل صور، تلاقيني في وقتي الفاضي كله بتفرج على التلفزيون بشوف المسلسلات والوجوه الجديدة».

وأضافت: «سعيدة إن الفن المصري بيرجع لأصله تاني، لأنه مر بوعكة بسبب الظروف اللي حصلت في البلد، بقوم الصبح أقرأ الأخبار في الموبايل، وأشوف الرسائل وأرد عليها، وبعدين أقوم أمشي في الجنينة وألعب مع الكلاب شوية، وأشوف لو ورايا حاجة أعملها ورايا زيارة مهمة، أروح النادي، الحياة الأسرية الفن كان واخدني منها شوية».

ليلى طاهر