محمد رمضان عن هارلي: لو الجمهور اتبسط يبقى ده أكبر نجاح

إسماعيل هاني 06 مايو 2023 | 01:12 صباحاً

تحدث أبطال فيلم هارلي عن التجربة ونجاح العمل الذي عرض في موسم عيد الفطر المبارك 2023 ، وتصدر قائمة ايرادات أفلام العيد واحتل المرتبة الأولى وصدارة الإيرادات في الأسبوع الأول من العيد، وذلك ببرنامج سبوت لايت المذاع على قناة صدى البلد وتقديم الإعلامية شيرين سليمان.

محمد رمضان: لو الجمهور اتبسط يبقى ده أكبر نجاح

قال الفنان محمد رمضان: حب الناس نعمة عظيمة وربنا يديمها ويا رب أكون عند حسن ظنهم، وفيلم هارلي هيعجب الشباب ويبسطهم، وينال رضاهم، ويكتبله النجاح، ولو الجمهور اتبسط يبقى ده أكبر نجاح.

إسماعيل فرغلي: طالع دور والد رمضان وبيحترم الكبير والصغير

الفنان اسماعيل فرغلي، قال: نجاح مسلسل جعفر العمدة عاد على الفيلم بشكل ايجابي، والدور مش كبير بس فيه مشاهد حلوة، وقوية، ورسالة حلوة والشغل مع محمد رمضان حاجة مفرحة ورمضان بيحترم الصغير والكبير وطالع دور أبوه في الفيلم.

حسني شتا: ضهري وجعني من مشاهد الأكشن

قال الفنان حسن شتا: رمضان عنده اصرار يكسر الدنيا، وينجح نجاح كبير وده اللي بحبه فيه من ممثلين لكتابة لمدير تصوير، والناس بتعمل فيلم سينما حلو عشان الناس تشوفه، وضهري وجعني لحد دلوقتي عشان اصريت عمل مشاهد الاكشن بنفسي.

فريق عمل فيلم هارلي

يخوض بطولة فيلم هارلي محمد رمضان، مي عمر، محمود حميدة، أحمد داش، مي كساب، اسماعيل فرغلي، ومنتج منفذ شو ميديا برودكشن ويرأسها محمود الشيخ، ومن إخراج محمد سمير.