مش لازم كل حاجة بتوجيه الرئيس.. مصطفى بكري يطالب الحكومة بمتابعة مشاكل المواطنين| فيديو 

طالب الإعلامي مصطفى بكري، الحكومة بالطبطبة على المواطنين، مردفًا: «لازم يكون متابعة من الحكومة لكافة مشاكل الشعب، مش لازم كل حاجة تكون بتوجيه الرئيس السيسي».

وأضاف مصطفى بكري، خلال تقديمه برنامج «حقائق وأسرار»، والمذاع على قناة صدى البلد، أن: «مصر تتعرض لمؤامرات من الداخل والخارج، نحن نمر بأخطر مرحلة في تاريخ مصر الحديث، سيبكم من الناس الأفاقة اللي بتتكلم عن مصر، دول مش يعرفوا المصريين اللي هيدافعوا عن وطنهم».

وأكمل: «عاوزين كل مسئول يحترم مسئوليته، عاوزين نحارب الفساد في كل مكان، في كثير من الأشخاص وقعوا في مصيدة الأجهزة الرقابية، ودول أصحاب المليارات استولوا عليها، لازم دول يتم إعلان أسمائهم علشان يكونوا عبرة لمن يعتبر، لازم يتحقق معاهم».

وتابع: «مثلًا مشكلة المطورين العقاريين، عشرات الآلاف من المواطنين اتعرضوا لعمليات نصب وتأجيل، وناس دفعت الفلوس من 20 سنة ولسه منتظرين، ولولا تدخل السيد الرئيس وتحذيره، مكانش حد فتح هذا الملف».

ولفت: «عاوزين ناس مخلصة، مش واحد يتشال من قناة فضائية ثاني يوم يتقلب ويكتب بوست يعمل فيه بطل، ولا واحد عاوز يغسل سمعته ويعمل نفسه بطل على حساب الدولة، ولا واحد بتشغله أجهزة المخابرات الدولية وتحرضه على بلده، يعمل فيها معارض، ولا شوية أفاقين يعملوا نفسهم معارضة».

واستطرد: «طبعًا محدش هيسبنا في حالنا، الحروب الممنهجة لا تتوقف، اللجان الإلكترونية شغالة ضد الدولة ومؤسساتها، إعادة إنتاج أحداث قديمة على أنها جديدة، واللي يقارن بين السوشيال ميديا والواقع يعرف الفرق».

ونوه بكري إلى: «نشوف السوشيال ميديا تقول البلد دي هتقع بكرة، تشوف الواقع تشعر بعظمة الشعب المصري وتماسكه رغم الظروف الاجتماعية الصعبة اللي بنمر بيها».