من الذاكرة| هند رستم: بكل فخر محدش هيعرف يقدم أدوار إغراء زيي.. ومعندناش مسرح زي أوروبا

هند رستم أيقونة الإغراء في السينما المصرية، كانت تمتلك ثقة في النفس عالية، إذ وجدت هند رستم نفسها الوحيدة القادرة على تقديم أدوار إغراء مشيرة إنها لن تتكرر.

هند رستم والإغراء

قالت هند رستم في لقاء نادر لها مع الإعلامي وجدي الحكيم: «بكل فخر وثقة أوي ولا هيجي حد يعرف يقدم أدوار الإغراء اللي كنت بعملها، لأنه في مثل روسي بيتقال إن الفنان لما بيموت مبيجيش بداله».

وعن المخرج الذي يستطيع أن يُخرج أجمل ما في داخل هند رستم، قالت الفنانة الراحلة: «المخرج حسن الإمام كان بيعرف يفجر كل اللي جوايا قدام الشاشة، وفي اتنين مخرجين مشتغلتش معاهم بس كان ممكن يعملوا ده وهو البرنس كمال الشيخ، وحسين كمال».

هند رستم والمسرح

أكدت هند رستم أنها كانت ترغب بالوقوف على خشبة المسرح، إلا أن زوجها الطبيب محمد فياض رفض، وقالت: «نفسي اشتغل في المسرح أوي، بس هنا هقف وهقول إن فياض مانعني أمثل في المسرح، كنت وقفت على المسرح في بدايتي، وكان نفسي أقف دلوقتي عليه وأنا هند رستم اللي معروفة».

واختتمت حديثها، وقالت: «بحضر مسرح برة مصر كتير وبقول نفسي يبقى عندنا لو مسرح واحد زي ده، ومعندناش ولا نجمة بتقوم بدور ده في المسرح».

بطرس دانيال: هند رستم كانت تزور مسجدين وكنيستين كل يوم جمعة .. فيديو

«واد جدع واقتنع يقدم مشهد واحد يخوف أحمد رمزي».. رأي فريد شوقي عن دنجوان السينما المصرية

من الذاكرة| سعاد حسني تكشف انطلاقة حب الجمهور لها بشكل ملحوظ: فيلم خلي بالك من زوزو مخلاش حد عنده عقل

من الذاكرة| عبد الحليم حافظ: حسيت إن ضرسي اتخلع بسبب قلم عماد حمدي في الخطايا

من الذاكرة| محمد نجم : حادثة أمام الكعبة وراء اعتزالي وتفاجئت بموقف الشعراوي