مونيا: أؤيد تعدد الزوجات.. ونور الشريف دعمني في «الحاج متولي»

ياسمين حمادة 07 يونية 2023 | 08:08 مساءً

كشفت الفنانة مونيا بطلة مسلسل عائلة الحاج متولي أنها ليست ضد مبدأ تعدد الزوجات، حيث سمحت لزوجها السابق بالزواج عليها.

تصريحات مونيا

قالت مونيا في تصريحات تلفزيونية لها: «هو حر عايز يتجوز هو حر وأنا مش ضد تعدد الزوجات دي بتبقى وجهات نظر وربنا محللك أربعة، وأنا وافقت جوزي يتجوز عليا بعد 9 سنين جواز، ومراته الجديدة هي اللي موافقتش».

وتابعت: «مطلبتش الطلاق، لكن انفصلنا بعد ما عرفت أنه اتجوز من ورايا وكان في بيبي جاي في الطريق من مراته الجديدة، ولما حصل زعلت زي أي ست هتزعل، وجاتلي صورة ابنه على الواتساب ورحت قولت له مع ألف سلامة».

تصريحات مونيا

مونيا بطلة مسلسل عائلة الحاج متولي

واستكملت: «أنا أتغيرت كنت باخد الصدمة الأول وبعدين أفوق والعياط عندي خلص وأحلى حب في الحياة حب الله».

وفيما يخص دورها الأشهر بمسلسل عائلة الحاج متولي، أوضحت أن زوجها السابق ممدوح يوسف منتج العمل هو من رشحها، قائلة: «بحترم كل الأراء واللي انتقدني وقال عشان مرات المنتج.. لكن أستاذ نور الشريف مبيفوتش شعراية ومافيش حاجة اسمها حد يفرض حاجة عليه».

مونيا ونور الشريف

وقالت مونيا عن عملها مع نور الشريف: «لما دخلت البروفة كنت مرعوبة جدًا وكان حلم حياتي أمثل، ولقيته في البروفة كان قاعد مترقب، ومكنش فيه غيرة بين بطلات المسلسل رغم أنهم سابقني بسنوات طويلة، الدور مكنش كبير ولما اشتغلت كنت بقعد في قعدات الكتابة».

واختتمت قائلة: «لما شافني أستاذ نور الشريف قال عايز دور مونيا يكبر هو وكل أبطال العمل، وكنت ملتزمة وبسمع كويس وأي حاجة بيقولهالي بسمعه».

تصريحات مونيا