مي عمر عن علاقتها مع حماتها: أمي الثانية وتدافع عني

تحدثت الفنانة مي عمر عن علاقتها بحماتها النائبة صبورة السيد والدة زوجها المخرج محمد سامي، ووصفتها بأنها والدتها الثانية.

قالت مي عمر عبر تصريحات تلفزيونية، إن حماتها تقف معها دائمًا إذا حدثت أي مشكلة بينها وبين زوجها محمد سامي وتدافع عنها، مضيفة: «معاملتي مع طنط ملهاش علاقة بمحمد هي بالنسبة لي أمي الثانية».

تصريحات مي عمر

وتابعت: «باخد رأيها في حاجات كتير وبتبقى مهتمة جدًا بحاجتي ومن أوائل الناس اللي بتتفرج على أي حاجة قبل أي حد، وهي مش كده معايا بس هي أم لناس كتير بتعرف تحتوينا».

واستكملت مي عمر قائلة: «أخدت منها حاجات كتير منها إني مش بحب اشتكي لو حصل أي حاجة في البيت، الصفات المشتركة بيننا إننا كتومين مش بنحكي أي حاجة لأي حد لو في مشاكل نحكيها للناس القريبة اللي بتحبك بجد ملهاش مصالح أخرى وأفكر كويس أوي قبل أي قرار متكونش قراراتي متسرعة».

مي عمر

مي عمر وحماتها

وأضافت: «مبخافش من الحسد ومبركزش خالص مع الحاجات دي، وبشوف ناس كتير مبسوطة وبتقول كلام كويس وإيجابي وبيسألوا طب إزاي وبيشوفونا بصورة حلوة».

ومن جانبها، تحدثت صبورة السيد والدة محمد سامي، عن مي عمر قائلة: «بنتي ومرات الغالي وأم الغاليين هي عندها مؤهلات كتير إنها تبقى أم أحلى أحفاد وأحلى حفيدات.. هي مؤدبة وحنونة، ومحترمة وغالية وقادرة تسعد محمد، مش عارفة ليه الناس مستكترين أن يكون في ناس سعيدة في الحياة وتستاهل اللي هي فيه وأكتر».

محمد سامي ومي عمر