الرئيس السيسي: متضيعوش فلوسكم في بناء عمارات مبتسكنش.. والدولة قادرة على تلبية مطالبكم.. فيديو

وأكد الرئيس عبدالفتاح السيسي حرص الدولة على الأراضي الزراعية، قائلا: «نحافظ عليها، وأقول لعواصم المحافظات الـ 500 ألف وحدة سكنية ستؤسس بالشكل الذي سنراه في افتتاحات اليوم، مش عايز أشوه فكر وشخصية الطفل القادم».

وأردف السيسي خلال فعالية افتتاح عدد من المشروعات في مناطق الشيخ زايد وأكتوبر: «إحنا قادرين كدولة على تلبية مطالبكم، لكن أنتو كمان مضيعوش فلوسكم في حاجات، محتاجين علماء الاجتماع يدرسوا ليه الناس بتبني كده، بلاقي المنازل، مرتفعة ومعظم طوابقها خالية، لو طلب منا مليون وحدة إسكان اجتماع سننفذه، سنلبي أي طلب على وحدات سكنية، وفروا أموالكم».

وأضاف مازحا «شوفت واحد عامل 12 دور وعامل السلم بيحلم إنه يكمل... ربنا يسعد الناس».

وأكمل «محدش حلم يجيب كام أتوبيس نهري للنيل»، ليرد كامل الوزير، وزير النقل كامل الوزير «اتفقنا مع المجر على إنشاء مصنع للأتوبيسات النهرية، اتفقنا مبدئيا على 6 أتوبيسات، ثم يورد المصنع لدول أفريقيا والشرق الأوسط».

وواصل «شايف إن كل واحد معاه قرشين بيبني حاجة، بدعوكم كلكم تمشوا على الطريق الدائري وشاهدوا حجم العمائر والإشغال، لو معاك قرشين بتبني 6 طوابق يسكن منها طابقان فقط، لو وضعت هذه الأموال في البنك ستوفر لك عائد مناسب، يبدو أن البناء دون الاحتياج ثقافة لدينا حتى في الريف، مفيش شباك راكب حتى مش ساكنة».

الرئيس السيسي عن مشروعات الطرق: عملنا وبنكمل كتير ولسه بدري.. فيديو

الرئيس السيسي: قادرون على تلبية مطالب المواطنين.. والنقل نفذت مشروعات بـ 1.6 تريليون جنيه