حمو بيكا: حسن شاكوش كداب أنا اللي طلعته ومصطفى كامل جابلنا حقنا

ياسمين حمادة 04 ابريل 2023 | 07:45 مساءً

أثار حمو بيكا مؤدي المهرجانات ضجة واسعة بسبب تصريحاته عن صديقه حسن شاكوش مؤدي المهرجانات، قائلًا: «حسن شاكوش مغرور ومتكبر».

حمو بيكا وحسن شاكوش

قال حمو بيكا في تصريحات تلفزيونية له: «أكون غلبان أحسن ما أكون شراني، ومفيش حد يعرف يسوقني، وأنا لما بعمل حاجة بعملها من دماغي».

واستكمل قائلًا: «حسن شاكوش كداب أنا المدرسة اللي طلعت حسن شاكوش، وقتها حد صاحبي كلمني وأنا مكنتش أعرفه فصاحبي قالي ساعده وأقف جمبه قولتله حاضر وكلمته».

حمو بيكا

تصريحات حمو بيكا

وقال عن حسن شاكوش أيضًا: «هو ماكنش عنده أستوديو، ماظهرش غير معايا والناس معرفتوش غير معايا، ومفيش حد أحسن مني، والناس كلها عارفة مين اللي طلع حسن شاكوش، وأول أغنية عملتهاله جابت 15 مليون، حسن لما اتشهر والغرور أخده مني بقى بيشتغل لوحده».

وتابع حمو بيكا قائلًا: «وأنا اللي قفلت له بنت الجيران وأنا اللي فتحتها عشان حصلت مشاكل، وجاب ناس تتوسط، حسن بيحب السهر ومش بيحب الشغل وأنا مش بسهر، وهو مش مركز في شغله ووقع».

أسرار حمو بيكا

واستطرد قائلًا: «هو مش محبوب ولا مشهور أكتر مني، وروحت له الفرح عشان هو صاحبي ولازم أجامله، بيقول كله جاله مجاملة من غير فلوس، أمال هو دفع كل دا في إيه».

وقال حمو بيكا أيضًا: «النقيب مصطفى كامل نقيب الموسيقيين على دماغنا من فوق وهو اللي جابلنا حقنا، والمهرجانات اسمها أغاني وليست مهرجانات ونقيب الموسيقيين لا يرغب في تسميتها مهرجانات، وإحنا وافقنا على رغبة مصطفى كامل وأصبحنا نطلق على المهرجانات اسم أغاني ولا نشعر بالحزن مطلقًا».

حمو بيكا