خالد الصاوي: فكرت في تبني طفل وكان ممكن أروح في سكة الجنون لولا الفن

أثار الفنان خالد الصاوي ضجة واسعة خلال الساعات الماضية، بعد أن كشف أسرار وكواليس مثيرة في حياته لأول مرة، من بينها عدم الإنجاب و والندم على أدواره، وتعليقه على أزمة منة شلبي.

تصريحات خالد الصاوي

تحدث الفنان خالد الصاوي عن رأيه في الزواج في سن متأخر وإمكانية ترشحه لمنصب نقيب المهن التمثيلية، بجانب تعليقه على أزمة الفنانة منة شلبي، خلال التصريحات الآتية:

• فكرت في وقت من الأوقات أن أتبنى طفل ولكن لست متأكد من كون الفكرة صحيحة أم لا.
• ندمت على تأخري في قرار الزواج وعدم الإنجاب وكل الحاجات غير الطبيعية اللي عملتها في حياتي زي اتجوزت متأخر وأني مخلفتش.
• مراتي نفسها بتشتكي أني طول الوقت في شغلي مش في البيت وكمان هيبقى في مسئولية زي وجود طفل وابقى مش قد المسئولية.
• مش ندمان على دوري في عمارة يعقوبيان ولكن الممثلين اللي رفضوا عندهم حق وكل حاجة كنت بعملها لما كبرت قلت 50% من كل اللي عملته في حياتي الشخصية.

خالد الصاوي وعمارة يعقوبيان

• مش متأكد أن دوري في فيلم عمارة يعقوبيان رفضه محمود حميدة أم لا ولكن أعرف أن هناك ممثلين كبار قلقوا من الدور وشايف أن عندهم حق.
• مستحيل أرشح نفسي نقيب الممثلين ولا عايز أبقى وزير ولا عايز ابقى أي حاجة تسبب إعاقتي عن أني أكون فنان مستقل.
• حاولت أتواصل مع منة شلبي بعد أزمتها الأخيرة ومقدرتش إحنا أصحاب وأعرفها من أول مرة اشتغلت فيها سنة 2000 وكانت لسه صغيرة.
• لا أخاف من المسئولية ولدى القدرة على تحمل المسئوليات وأقدر أشيل 100 ألف مسئولية ولكن أنا مش عايز أضيع يوم إلا وأنا بمثل أو أبدع فيه.
• أصيبت بفيروس سي وتعالجت منه في مصر، وكان عندي مشكلة انزلاق غضروفي حصلي من سنة ودي أثرت عليا وعلاجها الراحة والعلاج الطبيعي.

إصابة خالد الصاوي

• الفن أنقذني من الجنون والإدمان والإجرام، فيه أوردرات بشتغل فيها 12 ساعة و14 ساعة ولم تعطلني، وكان ممكن أكون مجرم ومجنون ومريت بكل حاجة وأخذت خطوات فيها وكان في حاجات بتشدني لكده، وكان ممكن أعمل جريمة سياسية وأمشي في الكفاح المسلح وأروح في سكة الجنون.
• مستحيل أتجوز على مراتي، ولو الراجل بطبعه خاين يبقى للأسف مش راجل، اللي يتجوز مره مايعملهاش تاني.
• مفيش مشاكل بيني وبين ليلى علوي، وأنا في أول ظهور ليا اشتغلت معاها وهي استقبلتني وادتني وضعي، لذلك كان طبيعي يبقى اسمها قبلي في هي ودافنشي.
• خدت فلوسي من المنتج ممدوح شاهين، وباخد حقي من أي حد لأني محامي وابن محاميين، ورافع عليه قضية تعويض لأنه خد فلوسي وأنتج بيها فعلى الأقل أبقى شريك في الأرباح.

خالد الصاوي

خالد الصاوي

خالد الصاوي: مش عايز 50% من اللي قدمته في مشواري الفني

خالد الصاوي يكشف حقيقة ندمه على فيلم عمارة يعقوبيان