ناهد السباعي: جمدت بويضاتي عشان متسرعش في الجواز وبواظب على الأذكار

تحدث الفنانة ناهد السباعي، عن تجميدها للبويضات، ما جعل تصريحاتها تتصدر التريند بجانب حديثها عن تبرؤ الفنان محمد رمضان من فيلم إحكي يا شهرزاد.

ناهد السباعي تتحدث عن تجميد البويضات

كشفت الفنانة ناهد السباعي، في تصريحات تلفزيونية عن تجميد بويضاتها بطلب من والدتها المنتجة ناهد فريد شوقي، وقالت: «طبيعي كان نفسي أكون أم، وجمدت بويضاتي بعد ما طلبت مني والدتي».

وتابعت ناهد السباعي حديثها، وقالت: «كان لازم أجمد بويضاتي علشان مكونش متسرعة في اختيار شريك يكون معايا أضطر أخلف، واختار شريك حياتي بشكل أحسن، ومكونش خايفة من المستقبل، وأريح والدتي وأختي، وعلشان يكون اختياري سليم ونفسي يكون أولادي شبه والدهم».

تصريحات ناهد السباعي عن الحسد

كما أكدت الفنانة ناهد السباعي، أنها تؤمن بالحسد، ولكنها تُحافظ على وِرد يومي من الأذكار والصلاة وهو ما يحفظها من الحسد.

وقالت خلال تصريحات تلفزيونية إنها تتحدث مع الله بطريقتها الخاصة، معلقة «أنا طبعًا مؤمنة بالحسد، وطالما بنعمل حاجات مُعنية إن شاء الله مفيش حاجة ومفيش حد يقدر يضر حد غير بإذن ربنا، والناس لو حاولت يكون عندها عادات الصبح وأول الليل بتعملها إن شاء الله ميكونش في حاجة».

كما كشفت عن وِردها من الأذكار، قائلة: أنا مبحبش اتكلم في الحاجات دي وبحس إن الناس هتتريق عليا، ولكن أنا مواظبة على الأذكار اللي هي آية الكرسي وخواتيم سورة البقرة والمعوذتين وسورة الإخلاص، الصبح وبالليل، وبصلي وبكلم ربنا، وبحس إن الواحد لو كلم ربنا بـ أسلوبه أحسن ما يقرأ كلام من أدعية بنشوفها، بتكون طريقة الخشوع بتاعتنا أحسن من أن نقرأ دعاء حلو أوي ولكن مش فاهمين كلام كتير فيه».

وأضافت ناهد السباعي: طلبت من ربنا كل اللي أنا فيه دلوقتي، أن نفسي أمثل وأنجح وأعمل أفلام تعيش وأهلي يبقوا فخورين بيا، ويحفظلي أهلي».

ناهد السباعي: بخاف من الحسد ومواظبة على الأذكار والصلاة

ناهد السباعي: مبحبش الرجل الغيور.. وهذه مواصفات فتى أحلامي

ناهد السباعي ترد على محمد رمضان برسالة قاسية

قائمة ضيوف شرف مسلسل دفعة لندن .. ناهد السباعي أبرزهم| خاص

ناهد السباعي تحتفل بعقد قران شقيقتها بحضور أسرة فريد شوقي.. صور