هاني البحيري: «كنت هتقتل بسبب تصميم عائلة محجبة»

تحدث مصمم الأزياء الشهير هاني البحيري، عن طقوسه في شهر رمضان الكريم، وأبرز التصميمات التي قدمها بمشواره الفني .

وقال هاني البحيري في تصريحات تلفزيونية، «شهر رمضان كنت باخد فيه اجازة شوية مثلًا بشتغل لحد 5 ومن بعد الفطار مفيش شغل، ولكن الفترة دي الشغل اختلف والحياة اختلفت والظروف كمان،هو رمضان بالنسبالي هي صوم وصلاة وقراءة قرآن وليلة رمضان ببقى في عمرة مع أهلي، بس بقالنا سنتين مزورناش بسبب الكورونا».

وتحدث عن أزمة فستان ليلى علوي الأخير قال، «مكنش اختياري كان اختيار ليلى نفسها واختيار صديقتها الانتيم، وقالتلي ده عاجبني وحتى لو كان مصمم أزياء عالمي عامله مش مشكلة، والجلد الدهبي ده من إيطاليا، وقولتلها مين المصمم مقالتش، وهما صحابي على المستوي الإنساني».

وتابع حديثه، «كنت هتقتل عشان جالي عائلة محجبات، وأنا بعمل بروفة لاقيت راجل دخل وقال لو شوفت راجل هقتله، بس استخبيت وماما اللي خرجتله، ومن بعدها قولت هشتغل عادي بس في شغلتي بحاول ارضي ربنا وأرضي غريزة حبي لشغلي».

دنيا عبد العزيز تهنئ هاني البحيري بعيد ميلاده : «أخويا الغالي الجدع»

مرصع بألماس قيمته 15 مليون دولار.. مي عمر تردي فستان للمصمم العالمي هاني البحيري .. فيديو

الذهاب إلى الأعلى