أحمد رمزي: اتأثرت بالنقد في أول يوم.. وبعدها “جلدي مات”

تحدث الفنان الشاب أحمد رمزي بصراحة عن ردود الفعل المتباينة حول مسلسله فخر الدلتا، موضحًا أنه خاض تجربة مختلفة تمامًا مع النقد مقارنة بما اعتاده في السوشيال ميديا.

وقال أحمد رمزي: «تجربة النقد كانت جديدة عليّا، لأن في المحتوى اللي كنت بقدمه على السوشيال ميديا كان المتابعين كأنهم أصحابي».

وأضاف: «بعض الجمهور كان رافع سقف توقعاته جدًا، زي واحد مستني أكلة جامدة وبعدين يلاقيها أقل من اللي في خياله».

وتابع: «اتعلمت إن لازم أتقبل الحلو والوحش، واللي أقدر أعمله إني أتفرج على نفسي وأشوف الغلطات عشان ما أكررش نفس الأخطاء في اللي جاي».

واستكمل: «في الأول حسيت بإحباط بسيط جدًا، بس بعدها خلاص جلدي مات».

وأردف: «أنا قاسي جدًا على نفسي، ممكن أسيب 100 كومنت حلو وأقف عند كومنت سلبي واحد، بس في الآخر قررت أركز على المجهود واللي اتعمل».

واختتم حديثه قائلًا: «لازم أحط رجلي في الحاجة عشان أعرفها وأعيشها وأقدمها صح».