باسم سمرة: دخلت المجال الفني بدون واسطة ومش بقتنع بأغاني محمد رمضان

تحدث الفنان باسم سمرة عن بداياته في الوسط الفني، وأوضح أنه واجه الكثير من الصعوبات قبل دخوله الوسط الفني.

قال باسم سمرة عبر تصريحات تلفزيونية: «أنا حاربت عشان أمثل، مكنش عندي مخرج أو ممثلين في أسرتي وكنت اعتمد على نفسي، والطريق كان صعب عليا، بالوش المصري القمر ده كنت هعمل إيه مع النجوم في الوسط الفني، أنا دخلت الوسط الفني من غير واسطة، أنا مش ابن فنان».

تصريحات باسم سمرة

وأشار إلى أنه لم يهاجم أبناء الفنانين، مشيرًا إلى أنهم يحصلون على فرص بسهولة وبشكل كبير بدون أي تعب أو مشقة عمل.

وأضاف باسم سمرة: «أنا بشتغل معاهم عشان أظهر قيمته، والصدق مع النفس ضرورة وليس رفاهية وأنا واجهت نفسي ولم أجد الموقف اللي أواجه فيها نفسي.. أنا رجل كامل ومش بغلط، ودي ثقة في النفس.. هذا ليس إدعاء مثالية، وأنا صادق».

تصريحات باسم سمرة عن محمد رمضان

واستكمل: «محمد رمضان نجم وموهوب ومصري رائع»، معربًا عن صعوبة متابعته لموسيقاه، معلقًا: «مش بسمع له، مش فاهم له يعني، بس في أغاني كتير عاملة ملايين، الناس بتحبها وبتسمعها.. ممكن محمد رمضان يكون بيخاطب الجيل ده، بياخد الجمهور الصغير معاه».

واختتم: «أنا مش مقتنع بالأغاني بتاعته، مش نمبر وان والحاجات دي، أنا مش ببسط وأنا بسمعها، مش مركز معاها، بس بسمعها يعني، وبحب الراب، بحب ويجز، لذيذ قوي وبفهمه، لأنه بيقول حاجات حلوة وعنده موقف وطني، أنا بحبه وبحترمه فيه».