أحمد موسى عن قرار وقف الخدمات مقابل النفقة: اقطع من جسمك لأولادك

كشف الإعلامي أحمد موسى، تفاصيل قرار وزير العدل المستشار محمود حلمي الشريف بتعليق استفادة المحكوم عليهم في قضايا النفقة بعدد من الخدمات الحكومية والمهنية، وذلك في حال صدور حكم قضائي واجب التنفيذ ضدهم.

وتابع خلال تقديم برنامج «على مسئوليتي»، المذاع على قناة «صدى البلد»، أن الدولة تحافظ على الحقوق وتطبق القانون من أجل الأسرة المصرية.

وأضاف الإعلامي أحمد موسى: «هو لو عليك حكم واجب النفاذ بنفقة عليك دي محتاجة وزير العدل يطلع قرار عشان تنفذ، يعني أيه أولادك يجروا وراك في الشوارع».

واستكمل: «ده أنت تقطع من جسمك عشان تديهم دول أغلى ما عندك، ما تشردهمش، معلقًا: «لو شايف أن المبلغ كبير عليك بسبب مرتبك مش هو، ارجع للقضاء تاني وهو هينصفك، إنما مينفعش يكون في ناس ميعرفوش أولادهم».