حقيقة التعليقات المنسوبة لـ أحمد السقا ردا على أنباء ارتباط طليقته

كشف الإعلامي شريف نور الدين مقدم برنامج أنا وهو وهي، المذاع على قناة صدى البلد، حقيقة التعليقات المنسوبة للفنان أحمد السقا تزامنًا مع أبناء ارتباط طليقته.

قال شريف نور الدين: «فجأة انتشر بوست منسوب للسقا تاني، مكتوب بصيغة حادة تاني وغير معتادة منه أبدًا، مش عايز أعيده لأن عندي تحفظات كتيرة جدًا وأهمها إن عندنا كلنا شك كبير أنه يكون هو نزل البوست ده».

وتابع: «عندما انتشر البوست، أحمد السقا نشر فيديو وموجود في الأراضي المقدسة، وقال (معنديش مانع تعمل عليا لقطة لكن تستحمل باقي الفيلم)، ده كلام أحمد السقا».

واستكمل شريف نور الدين في مقدمة برنامج أنا وهو وهي: «البوستات انتشرت بالتزامن مع انتشار شائعات عن احتمالية زواج أو ارتباط رسمي بين الاعلامية مها الصغير والممثل طارق صبري، وجمهور السوشيال ميديا بدأ يربط الأحداث ببعض وفريق آخر إن البوستات دي مستحيل أحمد السقا يكون هو اللي كاتبها وخصوصًا نشر بعدها صورة على صفحته بالانستجرام وهو بملابس الإحرام».

وأضاف: «قال الفنان أحمد السقا في تصريحات صحفية إنه مش فاضي يرد لا بتلميحات ولا ببوستات لأنه مشغول بالسفر ولأنه كمان دلوقتي في السعودية بيستعد للحج، وقال كمان إن الطلاق مش نهاية العالم ومها الصغير أم أولاده ولو احتاجته في أي لحظة هيكون أول واحد جنبها، و وبالنسبة للشائعات اللي انتشرت بخصوص خبر زواج طليقته قال لو عايزة تتجوز تتجوز ده حلال ربنا وأنا راجل متربي على الأصول وعلى فكرة ناس كتير بتطلق وترتبط تاني وبيفضلوا محافظين على ارتباطهم واحترامهم ببعض علشان خاطر ولادهم ودول مش ولد دول بنت وولدين».

واختتم: «المشكلة بقت بجد على سيرة السخافة في السوشيال ميديا اللي بقت بتكبر أي موضوع وبتأفوره وبتعمل منه شيء وخصوصًا كمان لو كان مرتبط بمشاهير زي طبعًا النجم أحمد السقا اللي بتكون فرصة هايلة لأصحاب الصفحات إن هم يطلعوا تريند من الهوا وطبعًا الناس مش كل حد فاهم وقاعد مركز بقى ده مين ودي الصفحة الرسمية ولا صفحة مزيفة.. العيب على الشخص اللي بيخالف ضميره وبيخالف المسئولية لأسبابه أو لمصلحته الشخصية.. كل واحد يا جماعة يختار حياته زي ما هو عايز، إيه المشكلة لما حد يتجوز ولا يتطلق؟».