عماد رشاد: هذا ما طلبه فاروق الفيشاوي قبل موته بـ 48 ساعة.. وبنتي كان المفروض تبقى نجمة سينمائية

عماد رشاد تصدر اسمه مؤشرات البحث الساعات الماضية، عقب مفاجأته للجمهور من خلال حديثه عن ابنته ياسمين، التي كانت ستكون بطلة فيلم صعيدي في الجامعة الأمريكية، قبل أن تكون الفنانة غادة عادل هي البديلة لابنته، كما تحدث عماد رشاد في تصريحات تلفزيونية عن علاقته بالفنان الراحل فارق الفيشاوي، وفيما يلي أبرز تصريحاته.

عماد رشاد يتحدث عن ابناءه

• ياسمين بنتي كانت مفروض تبقى نجمة واتعرض عليها فيلم صعيدي في الجامعة الأمريكية، لأن عيلة العدل أصحابي من قبل ما ندخل الفن
• عرضوا على ياسمين تعمل دور غادة عادل في صعيدي من الجامعة الأمريكية
• قعدوا معاها عشان التحضيرات، وفي يوم كان أربعاء اتصلت بمحمد العدل وقالت ليه أونكل محمد أنا مش هعمل الفيلم ده مش همثل، ورد عليها أنتي لولا أنك بنت عماد رشاد أنا كنت قتلتك أنا داخل يوم السبت
• بنتي بتشتغل دلوقتي في الديكور
• ابني نديم بيشتغل في البنك ومشكلته أنه طيب زيادة عن اللزوم
• بشوف فيه نفسي عاوز يحافظ على بيته ورقيق مع مراته

عماد رشاد وابنته

عماد رشاد وأحفاده

• عندي ثلاث أحفاد هما أدهم عمره 20 سنة ويوسف عمره 17 سنة من بنتي ياسمين، وهارون وعنده ثلاث سنوات من ابني نديم
• أنا أقرب واحد ليهم في العيلتين وارتباطنا زيادة عن اللزوم أنا كبرت وارتباطي ليهم زايد لما هيفقدوني وده طبيعة الحياة هتبقى صدمة
• بحاول أقلل ارتباطي رأفه بيهم عشان لما يجي معاد الرحيل ميحسوش بأن حاجة خدتني منهم، أنا قريب منهم قعدتهم معايا خروجهم معايا وشراء الهدوم أنا معاهم، وفي ناس حذرتني قالولي هتعذبهم بعد كده

عماد رشاد يتحدث عن فاروق الفيشاوي

• الراحل فاروق الفيشاوي صداقتنا استمرت خمسين سنة
• قبل ما يموت بيومين وهو على سرير المرض طلب مني أحجز له في جيم قريب من بيتي، عشان يتمرن ويخس بعد ما يقوم من المرض، وكان عنده أمل في الشفاء
• الدكتور نبه إخ فاروق الفيشاوي قبل دخوله في الغيبوبة على طول إنه هيتصرف بعصبية شديدة، والأفضل يتعامل معاه أقرب الناس ليه بس، والكل قالوا عماد رشاد
• كنت بدخل أوضته الاقيه بيشد مع ثلاث من الدكاترة، وبهديه وأرجعه على سريره، ويسند رأسه على كتفي وينادي اسمي

عماد رشاد وفاروق الفيشاوي

• مرة كنت على خلاف مع مراتي، فركبت تاكسي ورواحت لمكان سهرة موجود فيه فاروق الفيشاوي وحاول إقناعي إني انهي الخلاف
• الناس كلها نزلت من المكان وكانوا رايحين بيت تاني
• ركبت مع فاروق العربية وطلب مني إننا نروح مع الباقي، لكن رمضان كان قرب وقبل رمضان أحب انفصل شوية
• أخذت عربية فاروق وكنت مروح، وفي جزء من الطريق مشيت فيه بالعكس
• عربية ضربتني وطيرتني من الزجاج، والحادثة دي سابت علامات على وشي لحد دلوقتي
• فاروق الفيشاوي كان أول حد نجدني من الموقف ده

عماد رشاد وفاروق الفيشاوي

• لما تعرضت بنتي لمشكلة كان فاروق الفيشاوي سابقني ليها رغم مرضه وتحركه بجزام حديدي
• فاروق عمر ما حاجة هزمته، لكن في آخر أيامه جس بالهزيمة، وحاول يخبي شعوره ده عن الناس

محمود حميدة يسترجع ذكرياته مع فاروق الفيشاوي: أخلاق النبلاء من الفرسان

إسعاد يونس تحيي ذكرى وفاة فاروق الفيشاوي بصورة من «سيدة الوحش»

ذكرى رحيل فاروق الفيشاوي.. سبب تعاونه مع الزعيم.. وعشقه لسمية الألفي.. وفشله في هزيمة السرطان

في ذكرى وفاته الثالثة.. فاروق الفيشاوي «المشبوه» الذي صدم الجميع قبل وفاته بعام

متحدث حكومة الإحتلال ينعي فاروق الفيشاوي .. «كنت نجمًا أيضا فى إسرائيل»