فادية عبد الغني عن سر اختفائها : «اللي بيظهر كتير مش شغال وبيرخص نفسه»

قالت الفنانة فادية عبدالغني، إنها لا ترغب في الظهور إعلاميا بصفة مستمرة، بسبب عدم وجود شئ جديد لكي تتحدث عنه، خاصة وأنها غائبة عن المجال الفني خلال الفترة الماضية، قائلة: «اللي بيظهر كتير ده معندوش شغل وبيرخص نفسه».

وكشفت فادية في تصريحات تلفزيونية أنها لم تقم في أحد الأيام بمنع  أولادها أن يفعلوا ما بأنفسهم، قائلة: «بنتي عمرها ما فكرت تكون ممثلة وولادي ما لهمش في الحكاية دي، وسارة بنتي مثلت معايا وهي صغيرة عمرها سنة ونصف ولما كبرت رفضت أنها تبقى ممثلة».

ونفت فادية شائعة إجبار ابنتها على ارتداء الحجاب، قائلة: «اتقال إني فرضت عليها الحجاب وحلقت لها شعرها عشان أمنعها من التمثيل.. ده محصلش الناس دي بتعمل كده عشان تكسب من الكلام الفاضي والشائعات».

وتحدثت فادية عن شائعة وفاتها: «طلعت عليا شائعة إني مت من ناس محترمة.. وعملوا ليا صوان وصوروا الفنانين اللي بيعزوا وأنا في بيتي كافية خيري شري بعديها بالصدفة تعبت وجالي كورونا وزعلت جدا».

وكشفت فادية: إنها لم تصبح نجمة بسبب زوجها قائلة: «زوجي أنتج لي فيلم واحد اسمه إلحقونا، وده كان الفيلم الوحيد.. وعملنا مسرحية تليفزيونية لم يتم إذاعتها ولا أتذكر اسمها، ووقت ما أنتج لي زوجي كنت بالفعل بشتغل ونجمة.. ونجمي كان عالي أوي».

فادية عبد الغني تنفي اجبار ابنتها على الحجاب.. واتعملي عزاء وأنا عايشة