أحمد العوضي يرد على سخرية رامز جلال منه: مزعلتش عشان أخوه

تحدث الفنان أحمد العوضي عن استعداده للزواج بعد شهر رمضان 2025، كما رد على مقدمة رامز جلال عنه في برنامج رامز إيلون مصر.

قال أحمد العوضي عبر تصريحات إذاعية: «أعيش حاليًا قصة حب ستصل إلى مرحلة الزواج بعد شهر رمضان أو بعد شهر ونصف»، لافتًا إلى أنه سيعلن هوية العروس بعد انتهاء الشهر.

تصريحات أحمد العوضي

كما رد على مقدمة رامز جلال عنه، قائلًا: «رامز جايبني في أول حلقة من البرنامج عشان أنا أنجم ضيف عنده، والبرنامج ينجح ويجيب مشاهدات، ولو جاب حد تاني البرنامج مكنش هيجيب مشاهدات».

وتابع أحمد العوضي: «ومش هركز على اللي هو قاله، وأنا مزعلتش عشان أخوه حبيبي ياسر جلال يُكرم».

مقارنة أحمد العوضي بمحمد رمضان

وفيما يخص مقارنته بالفنان محمد رمضان، علّق قائلًا: «أنا مبحبش أرد على أي نقد أو أي حاجة قبل ما المسلسل يتعرض، لأن الشغل دايمًا هو اللي بيرد، أصل فكرة أني أطلع أرد، ده معناه إنه بيغلط في شخصي، بس هو مبيغلطش في شخصي، هو بيشوف وجهة نظر سابقة».

واختتم أحمد العوضي: «لكن أنت مشوفتش، أنت لما تشوف حامد الجارحي، راجل قوي بدنيًا وصوته غليظ، كلها حاجات بتتطبق على العبد لله، أنا مش عامل دور الأب كنمرة، لا، أنا عامله لحاجة معينة عشان أربطك بالواد، وخصوصًا إن دور الأب حلقتين كاملين، وإزاي أنت داخل تتفرج على مسلسل أحمد العوضي ومتلاقيش العوضي أول حلقتين إزاي؟ ده موضوع بيتعمل في العالم كله، وبيتعمل في مصر من زمان، وأستاذ نور الشريف كان بيعمله، ودي حاجة مش وحشة بدليل أنها نجحت».