القصة الكاملة لأزمة ياسمين عبد العزيز وشقيقها.. هجوم وإفشاء أسرار واعتراف بحب العوضي

أشعلت أزمة الفنانة ياسمين عبد العزيز وشقيقها مواقع التواصل الاجتماعي بعد هجومه عليها وانتقاد علاقتها بالفنان أحمد العوضي عبر حسابه على موقع التواصل الاجتماعي فيس بوك.

رسائل شقسق ياسمين

وجه الفنان وائل عبد العزيز  عدة رسائل لشقيقته ياسيمين عبد العزيز عبر حسابه على فيس بوك قائلا: «بصي يا ياسمين يا عبد العزيز يا اختي.. أنا معاكي وفي ضهرك من وانتي صغيرة شيلت مشاكل كتيًر بسببك من وانتي عيلة صغيرة بداية من مشاكلك مع الشاعر وبرادة وانتي عارفه أن أنا اتاذيت فيها إزاي وقضية الشغالات مؤخرا غير قضي الضرب اللي كانت بينك وبين بنت هشام سليم الممثلة اللي لبستيها التورتة في وشها».

وتابع «وقفت جمبك بكل ما أملك من قوة أدافع عنك في كل موقف صعب مر عليكي ونسيت حياتي ونفسي عشانك وبقى كل همي أنا “ووالدتك أنك تكبري وتبقي نجمة في مجالك».

وأضاف «سيبنالك اختياراتك كلها لنفسك ووفقنالك على معظم قراراتك وكنت الوحيد اللي ساندتك ووقفت جنبك في طلاقك، لكن هنهرتل وتروحي تعرفي واحد أصغر منك بـ١٠ سنين لا من سنك وتتصوري صور مالهاش أي لازمة على حساب سمعتك وسمعتنا لا ومحدش هيسمح، من امتى واحنا بنعمل أعياد ميلاد وتنزل على السوشيال ميديا، من أمتى الناس بتجيب في سيرتنا، ونقعد نتعاكس على السوشيال ميديا ومع ذلك حياتك وانتي حره فيها، انا هتكلم على الشق اللي يخصني، انتي مقاطعة كل العيلة عشان تعملي اللي على مزاجك، إحنا دلواقتي وعايزين نفهم العلاقة دي أيه ورايحة على فين».

هجوم على أحمد العوضي

وأكمل أ«ما بالنسبة للأخ اللي ماشي وراكي في كل حتة وشايفك البيضة الدهب اللي هتفقسله كل يوم احب أقولك يا راجل لما تيجي تدخل بيت تدخله من بابه يا راجل !! وتقعد مع رجاله البيت !!.. دي الأصول وده الاحترام.. وطبعا لأنك عارف أنك مرفوض رافضا باتا فعمرك ما هتعمل ده ومعندكش غير طريق الشمال اللي أنت سالكه من سنين مع بنات الناس!!.. انا من رأيي كفاية عليك البطولة اللي أخدتها والعربية المرسيدس الهدية.. وتركز في شغلك وتسيبنا في حالنا لأن طول عمرنا في حالنا ومحدش سامع عننا حاجة وملوش لازمة جو الصور والمعاكسات ده وانا مبخفش من تهديد حد».

رد قاسي من العوضي 

لم يصمت الفنان أحمد العوضي على هجوم شقيق ياسمين عبد العزيز ورد عليه برسالة قاسية عبر حسابه على موقع التواصل الاجتماعي فيس بوك.

وقال العوضي «انهى بيت اللى ادخله من بابه، ان كانت هي اللى بتصرف عليه وعلى ابنك اللي مخبيه وراميه وهي بتدفعله مصاريف مدرسته، باب ايه يا ابنى ادخله هو انا شفت راجل واقف جنبها، دي واحدة انت مبتعملش حاجة غير أنك بتستنزفها هي ومامته، باب ايه يا ابنى الى هدخله من بابه واكلم واحد بيتكلم على عرضه ولحمه قدام الناس».

وتابع «يا ابنى انا من عين شمس منطقية شعبية اتربيت على ان الأخت والام والست الكلام عليهم من الكبائر، عربية ايه يا ابنى انا اجرى الحمد لله يعيشني كويس ويجيبلي عربية حلوة وبيت كويس، بمجهودي وشغلي مش على عرق واحدة ست، باب ايه يا حبيبي اللي ادخله وانت أصلا عايش باسمها، انا شقيت على حالي بعرقي، لكن انت فشلت في كل شيء فشلت كممثل وفشلت كأب وفشلت كأخ وفشلت كبنى ادم».

هجوم من محمد محمود عبد العزيز 

هاجم الفنان محمد محمود عبد العزيز، الفنان وائل عبد العزيز بعد رسائله لشقيقته ياسمين.

وقال محمد محمود عبد العزيز في فيديو عبر حسابه على إنستجرام «أنا مش عارف أقول إيه أنا منفعل من حدث لم أصدقه ولا أفهمه، مش مصدق أخوات يفكروا بالطريقة دي ده  هبل».

وتابع «أنا لا أعاتب شخص بعينه، لكن مينفعش الأخوات يفضحوا بعضهم، ما يحدث ليس له علاقة بالتربية أو الرجولة فهذا خارج نطاق المنطق، فيجب أن نقوم بحل المشاكل مع بعضنا لبعض».

وأكمل «هل فكرت في كتابة ذلك الكلام على شقيقتك قبل كتابة ذلك، ياسين عبد العزيز جدعة وبـ 1000 راجل”، مختتما «حسبي الله ونعم الوكيل.. فمن الممكن الخلاف والعتاب لكن لا يصل الأمر للفضيح».

حذف البوستات 

وبعد موجة غضب عارمة ضد وائل عبد العزيز، قام بحذف البوست الذي هاجم فيه شقيقته وأحمد العوضي، ليحذف الأخير البوست من على صفحته هو الآخر.

إعلان الحب 

وبعد ساعات من هجوم شقيقها أعلنت الفنانة ياسمين عبد العزيز حبها لأحمد العوضي عبر نشر صورة لهما على إنستجرام معلقة «بحبك يا أحمد»، ليرد العوضي «بحبك يا ياسمين».