تامر حسني: الحياة بتعلمنا كل حاجة إلا القسوة بييجي حد يعلمهالنا

قال نجم الجيل تامر حسني، إن الحياة تعلم الناس كل شئ ما عدا القسوة التي يتم تعلمها من الأشخاص، موجها نصيحة للجميع بعدم الوعد وقت الفرح واتخاذ القرار وقت الزعل.

كتب تامر حسني، عبر حسابه الشخصي على موقع التواصل الإجتماعي فيسبوك:  قولت في فيلم بحبك في احدى المشاهد إن الحياة بتعلمنا كل حاجة إلا القسوة بييجي حد يعلمهالنا وقولت متوعدش وانت فرحان ومتاخدش قرار وانت زعلان.

وتابع تامر حسني:  قد تندم في الحالتين فلازم من الاستقرار العقلي والعاطفي قبل أي وعد وأي قرار، الكلام ده مش مجرد حوار كتبته في فيلم لأ دي حقايق في الدنيا بشكل عام ، عشان كدا بحب اوصلهالكم من قلبي جايز تنفع حد فيكوا  وبالنسبه للقسوه فعلاً بيجي حد يخلينا كده بس الأجمل انك متتأثرش بطاقة وروح اللي خلاك كده وتحاول حتى لو اتعلمت تقسى انك ترجع تبقى رحيم وتنتظر مقابل رحمتك من ربنا مش من العبد.

وأضاف تامر حسني: وجايز اللي ظلمك لو لقاك متغيرتش وفضلت كويس، جايز يرجع أحسن من الأول ويعتذر لك عشان موقفك كان حقيقي من جواك و عكس المتوقع  ساعتها هتحس بمكسب اكبر بكتير، مسائكم جميل زيكم.

تامر حسني يخوض بطولة فيلم تاج

يخوض الفنان تامر حسني، حاليا فيلمه الجديد «تاج»، رغم عدم الاستقرار على بطلة للفيلم بعد اعتذار مي عمر.

تامر حسني كتب في وقت سابق عبر حسابه على انستجرام، قائلا: «مع المخرجة الجميلة سارة وفيق، رجعنا امبارح نستكمل تصوير فيلم تاج، فيلم صعب أوي بشكل مش طبيعي، بس إن شاء الله المصريين قدها، وهشرحلكم قريب في بوست تاني حاجه مهمة أوي وليه بقول كده».

تامر حسني فيلم تاج

تحدث الفنان تامر حسني عن تفاصيل فيلمه الجديد تاج وكشف الفنانين المشاركين له ضمن أحداث العمل، بجانب كواليس لقائه الأخير مع الفنان عمرو دياب.

قال الفنان تامر حسني في تصريحات تلفزيونية له: «معانا ساندي بتغني وبتمثل وهتقدم دور جديد عليها، وبيومي فؤاد والعمل من إخراج سارة وفيق».

وتابع تامر حسني عن فيلمه الجديد: «مكنتش ناوي أخرج كل حاجتي، فيلم بحبك كان رومانسي وحبيت أظهر الحالة كمؤلف وكمخرج، وحبيت أقدم العمل كله وكان تحدي كبير بالنسبة لي».

تصريحات تامر حسني

وأضاف: «الحمد لله حقق أعلى إيراد في تاريخ السينما المصرية والعربية، وحاليًا أحضر لأول سوبر هيرو عربي وبنعمله بالتقنيات العربية الحديثة وإن شاء الله يعجب الجمهور، وظهوري بشخصيتين توأم لسه مش أكيد».

وفيما يخص كواليس لقائه والحديث الذي دار بينه وبين الفنان عمرو دياب خلال حفل زفاف الفنان أحمد عصام، قال: «كان بقالنا سنين متقابلناش الحقيقة».

تامر حسني عن كواليس فيلم تاج: صعب بشكل مش طبيعي

تامر حسني يصطحب أبناءه لأداء صلاة الجمعة.. آدم بالجلابية وبناته بالإسدال

تامر حسني يرد على تصريحات حلمي عبدالباقي ببرنامج سبوت لايت