جوري بكر تنفعل: الشحاتة وصلت انستجرام.. واحد عايز مساعدة 3 آلاف جنيه

ياسمين حمادة 07 يونية 2023 | 05:51 مساءً

كشفت الفنانة جوري بكر سبب غلقها للتعليقات عبر حسابها الرسمي بموقع انستجرام، وأعربت عن استيائها من بعض الرسائل التي تتلقاها.

جورى بكر انستجرام

كتبت جوري بكر عبر خاصية الستوري التابعة لصفحتها الرسمية بموقع انستجرام، قائلة: «أولاً: عشان الأسئلة الكتيرة اللي بتجيلي بخصوص أنا ليه قافلة الكومنتات على عدد معين لأن بجد الموضوع مخيف مش كل الناس اللي حوالينا محترمين، ومش كل الناس نضيفة وتعليقاتهم محترمة».

وتابع: «في مجموعة كدة حرفيًا من قاع الأرض مريضة تعليقاتهم أنا مقدرش استحملها أو أشوفها واحترامًا لمن حولي بجد قفلتها على المقربين مني والناس المحترمة اللي متبعاني.. ثانيًا: غير إني برضو بخاف أفتح DM ساعات بيلفت نظري الناس الجميلة المحترمة اللي بتحب تهديني حاجات مش شغلهم تمام».

جوري بكر والرسائل التي تتلقاها

الفنانة جوري بكر

واستكملت: «الشحاتة بقى اللي وصلت على الانستجرام هل ده بجد.. اللي عايز مساعدة 3000 جنيه وهو مصور نفسه ماسك تليفون بـ 25 ألف جنيه أو أكتر أو اللي عايزة تجهز نفسها ونفسها في تلاجة أنا أصلًا مشتريتهاش بجد إزاي كدة.. إيه كمية الاستفزاز والجرأة اللي عندكم دي».

واختتمت جوري بكر قائلة: «انزل وانزلي اشتغلي اتعبو وانجحو وساعدو نفسكم.. في غيركم نحت في الصخر عشان يوصل ومحدش ساعدهم ولا ساعدني.. وياريت متغرموش أهلكم عشان حضرتك تشوري نفسك وأنت تمسك موبايل جديد.. اتعب واحصد تعبكم».

جوري بكر والرسائل التي تتلقاها