عبد الرحيم كمال : دلوقتي الغني بيتذل عشان يقدم منتج فني يهين ناسه

ياسمين حمادة 11 ابريل 2023 | 05:08 مساءً

أعرب الكاتب والسيناريست عبد الرحيم كمال عن استيائه وانزعاجه من تقديم منتج فني يهين أهله وناسه، وذلك بحسب تعبيره.

الكاتب والسيناريست عبد الرحيم كمال

كتب السيناريست عبد الرحيم كمال في منشور عبر حسابه الرسمي بموقع فيس بوك: «زمان كنا نسمع عن الفلوس والحوجة المُرة اللي تخلي حد فقير يتذل ويتهان عشان خاطرها».

وتابع: «دلوقتي شُفنا في عصرنا، الغني جدًا جدًا جدًا وهو بيتذل ويتهان ويهين فلوسه، عشان يقدم منتج فني بيهين أهله وناسه وبلده عشان يحقق مزيد من الفلوس تكون سبب في إهانته أكتر ومذلته».

واختتم الكاتب عبد الرحيم كمال تعليقه قائلًا: «فكرة إن الفلوس فوق الكرامة الشخصية للغني وللفقير فكرة حقيرة ولا يدعمها إلا حقير».

الكاتب والسيناريست عبد الرحيم كمال

عبد الرحيم كمال مسلسل بالطو

وفي سياق آخر، أشاد الكاتب والسيناريست عبد الرحيم كمال بمسلسل بالطو الذي عُرض الحلقة الأخيرة له يوم الأربعاء الماضي، وقال عنه: «آية من أيات الدراما».

كتب عبد الرحيم كمال عن مسلسل بالطو في منشور عبر حسابه الرسمي بموقع فيس بوك: «أهو مسلسل بالطو ده آية من أيات الدراما وعبرة وعظة.. إزاي؟».

وتابع السيناريست عبد الرحيم كمال عن مسلسل بالطو: «أقولك إزاي.. بميزانية محدودة وأبطال مش نجوم بالمعنى التقليدي للنجوم لكن في نظري أنا نجوم ونص».

وأضاف: «ومخرج وكاتب لأول مرة وإمكانيات فنية عالية إزاي تقدر بدول بس تصنع عشر حلقات ياخدوا الناس ويقعدوهم بتفرجوا مبسوطين من غير دعاية جبارة ومن غير ملايين ومن غير ومن غير ومن غير ومع ذلك حقق النجاح الكبير أوي دي».

واستكمل عبد الرحيم كمال: «أدي القصة ببساطة.. ومش كدا وبس لا ده كمان قدر وسط الضحك إنه يسخر من الجهل والدجل وكتير من المعايير المغلوطة».

واختتم الكاتب عبد الرحيم كمال رأيه عن مسلسل بالطو قائلًا: «ومن غير مباشرة ولا مبالغة ولا فذلكة ولا قلة أدب.. عشان كده المسلسل البسيط ده قدر يكشف بنوره الكثير والكثير من مشاكل الصنعة».

الكاتب عبد الرحيم كمال السيناريست عبد الرحيم كمال